ایک روسی شخص اپنے بچے کو واشنگ مشین میں گھومتے دیکھ کر بے حد پریشان ہو گیا۔
روسی شخص نے اپنی زندگی کے دلچسپ واقع کو سوشل میڈیا پر تصویر کے ساتھ پوسٹ شیئر کرتے ہوئے بتایا کہ واشنگ میشن میں اپنے بچے کی فوٹو والی شرٹ کو گھومتے دیکھ کر اسے حقیقی سمجھ بیٹھا تھا۔
مقامی میڈیا رپورٹ کے مطابق روسی شخص نے بتایا کہ بیوی کپڑے دھو رہی تھی کہ اچانک وہ یہ دیکھ کر چونک گیا کہ اس کا بچہ مشین میں گھوم رہا ہے، جس پر وہ گھبرا گیا اور فوری طور پر مشین کو بند کر کے دروازہ کھولتا تو حقیقی بچے کی بجائے اس کی پسندیدہ شرٹ تھی جس پر بچے کی فوٹو چسپاں تھی۔
شوہر کی پریشانی دیکھ کر اہلیہ بھی آگئی اور حقیقت معلوم ہونے پر وہ ہنسنے لگی، یہ سارا واقعے شوہر نے سوشل میڈیا صارفین سے شیئر کیا۔
بچے کی فوٹو والی ٹی شرٹ کو واشنگ مشین میں گھومنے والی ویڈیو کو اب تک ایک لاکھ سے زائد افراد دیکھ چکے ہیں۔
اس دلچسپ واقع کی وائرل ہونے والی ویڈیو پرکچھ لوگوں نے مذکورہ شخص کا مذاق اڑایا جب کہ بعض نے والد کی پریشانی کو سمجھتے ہوئے اولاد کے لیے دلی ہمدردی اور فکرمندی پراس کی ستائش کی۔
News Source: Bol News