"میری ملاقات اپنے شوہر سے 5 سال پہلے دبئی میں ہوئی. میں وہاں ملازمت کرتی تھی. پھر یہ پاکستان آگئے تو مجھے کمی محسوس ہونے لگی. اس لئے میں بھی ان کے پیچھے آگئی اور ہم نے شادی کر لی"
یہ کہنا ہے 26 سالہ فلپائنی خاتون کا جنھوں نے پاکستانی شخص سے شادی کے لئے اپنی نوکری، ملک یہاں تک کہ مذہب بھی تبدیل کرلیا.
نجی چینل کو انٹرویو دیتے ہوئے لڑکی کا کہنا تھا کہ انھوں نے اپنی مرضی اور خوشی سے اسلام قبول کیا ہے ان پر کوئی دباؤ نہیں تھا اور وہ پنجاب کے لیاقت پور سے تعلق رکھنے والے 31 سالہ محمد سلمان کے ساتھ ہی زندگی گزارنا چاہتی ہیں.
جبکہ محمد سلمان کا کہنا ہے کہ ان کی دوستی فلپائنی خاتون سے دبئی میں ہوئی جس کے بعد انھوں نے شادی کی خواہش ظاہر کی اور گھر والوں کی مرضی سے شادی کی. لڑکی نے اپنی مرضی سے اسلام قبول کیا اور ان کا اسلامی نام زینب ہے.