اب بہت صبر آگیا ہے ثانیہ مرزا کن حالات کا شکار ہیں؟ طلاق کے بعد پہلی بار انٹرویو میں بتا دیا

"ماں بننے کے بعد میرے اندر بہت صبر آگیا ہے. عمر کے ساتھ ساتھ جب آپ ماں بنتے ہیں تو صبر کے علاوہ کوئی چارہ نہیں ہوتا"

یہ کہنا بھارت کی ٹینس اسٹار ثانیہ مرزا کا جنھوں نے حال ہی میں بی بی سی کو انٹرویو دیتے ہوئے اپنی پروفیشنل اور نجی زندگی کے متعلق گفتگو کی.

ثانیہ مرزا کا کہنا ہے کہ میرا خیال ہے دنیا میں ہر کوئی آپ کو پسند نہیں کرسکتا. جب گھر میں ہی ہر کوئی پسند نہیں کرسکتا تو اتنے لوگوں سے بھری دنیا میں یہ کیسے ممکن ہے. سب کی الگ خواہشات، سوچ اور نظریات ہوتے ہیں، اسی طرح ہمارے بھی اپنے نظریات ہوتے ہیں. آج کی سوشل میڈیا کی دنیا میں لوگ اچھی بری باتیں تو بتاتے ہیں لیکن اہم چیز یہ ہے کہ لوگوں کو سچ بتایا جائے.

پروفیشنل زندگی پر گفتگو کرتے ہوئے ثانیہ مرزا نے بتایا کہ 3 سرجریوں اور بیٹے کی پیدائش کے بعد ان کو بہت سے جسمانی مسائل کا سامنا تھا. ان کی باڈی ویسے ریکور نہیں ہو پاتی تھی جیسے کھیلنے کے لئے ہونی چاہیئے. لوگ یہ دیکھتے تھے کہ میں فائنل میں ہوں، لیکن فائنل میچ تک پہنچنے کے لیے میں کیا کیا یہ کوئی نہیں جانتا تھا.

ثانیہ مرزا نے مزید کہا کہ ہمیشہ سچائی سے ہمیشہ جڑے رہیں. جو سبق کھیل سے ملا ہے وہ کسی اور چیز سے نہیں ملا. اہم یہ ہے کہ آپ جانتے ہوں کہ کون آپ سے مخلص ہے اور کون آپ کے لیے خاص ہے. پیسہ اور شہرت زندگی کا ایک حصہ ہے۔ لیکن سب سے ضروری یہ ہے کہ مشکل وقت میں کون آپ کا ساتھ دیتا ہے. میں نے اپنے تجربے سے سیکھا ہے کہ بُرے دن ہمیشہ نہیں رہتے ہیں، اور اگر بُرے دن ہیں تو یاد رکھیں کہ کل کو اچھے دن بھی آنے والے ہیں۔

واضح رہے کہ پاکستانی قومی کرکٹ ٹیم کے سابق کپتان شعیب ملک سے خلع لینے اور شعیب کی دوسری شادی کے بعد نجی زندگی سے متعلق ثانیہ مرزا کا یہ پہلا انٹرویو ہے.