ساس میرا میک اپ استعمال کرتی ہے اس لیے میں نے ۔۔ بہو کا ساس سے جھگڑا ہونے پر شوہر نے اپنی بیوی کے ساتھ کیا کیا؟ دیکھئے

ساس بہو کا موضوع سوشل میڈیا پر کافی توجہ کا مرکز بنتا ہے۔ بہت سے ڈرامہ سیریلز بھی ان دونوں کرداروں پر بنائے جاتے ہیں جن میں ساس بہوکے درمیان ان بن ہی دکھائی دیتی ہے۔

حقیقی زندگی میں بھی ایسا کچھ دیکھنے میں آیا جب ایک ساس نے اپنی بہو کو میک اپ بغیر اجازت استعمال کیا تو اس نے اپنے شوہر سے طلاق مانگ لی۔

بھارتی میڈیا رپورٹس کے مطابق خاتون نے اپنے شوہر پر الزام لگایا کہ میرا اور میری بہن کا میک اب بغیر اجازت استعمال کرنے پر ساس سے جھگڑا ہوا تھا جس کے بعد شوہر نے دونوں بہنوں کو گھر سے باہر نکال دیا۔

میڈیا رپورٹ کے مطابق مالپورہ کی دو بہنوں کی شادی ایک ہی گھر کے دو بیٹوں سے ہوئی تھی، دونوں بہنوں کی زندگی معمول کے مطابق ٹھیک جارہی تھی لیکن پھر انہیں پتا چل گیا کہ ان کی ساس بغیر اجازت ان کا میک اپ استعمال کرتی ہے۔

خاتون نے پولیس کو دیے گئے بیان میں بتایا کہ جب بھی ہمیں کسی تقریب میں جانا ہوتا تو ہم میک اپ نہیں کرتے تھے کیونکہ ہماری ساس ہمارا میک اپ استعمال کرتی تھیں، یہی نہیں میری ساس تقاریب کے علاوہ گھر میں بھی میرے کپڑے اور میک اپ استعمال کرنے لگی جس پر ایک دن ہم دونوں بہنوں کی ہماری ساس سے ہمارا جھگڑا ہوگیا۔

خاتون کے مطابق ساس نے میرے شوہر کو اس لڑائی کا بتا دیا تو اس کے بعد شوہر نے بھی مجھے گالیاں دینا شروع کر دیں، صورتحال بگڑ گئی اور میرے شوہر نے مجھے حتیٰ کہ میری بہن کو بھی گھر سے باہر نکال دیا۔

خاتون نے مزید کہا کہ ہم دونوں بہنیں دو مہینے سے اپنے ماموں کے گھر رہ رہے ہیں اور طلاق کیلئے بضد ہیں۔