اقوام متحدہ ۔2مئی (اے پی پی):اقوام متحدہ نے افریقہ میں سیلاب سے ہونے والی ا موات پر گہرے دکھ کا اظہار کیا ہے۔شنہوا کے مطابق اقوام متحدہ کے سربراہ انتونیوگوتریش کے ترجمان اسٹیفن ڈوجارک نے کہاکہ اقوام متحدہ کے سربراہ برونڈی، کینیا، صومالیہ اور تنزانیہ اور مشرقی افریقہ کے دیگر حصوں میں شدید سیلاب سے ہونے والی اموات بارےبہت افسردہ ہیں۔
انہوں نے کہا کہ سربراہ نے متاثرہ ممالک میں ہلاک ہونے افراد کے اہل خانہ سے تعزیت کا اظہار کیا ہے۔انہوں نے مزید کہاکہ اقوام متحدہ اور اس کے شراکت دار انسانی ضروریات کو پورا کرنے کے لیے قومی حکام کے ساتھ مل کر کام کر رہے ہیں۔ بیان میں کہا گیا ہے کہ سیکرٹری جنرل نے زور دیا کہ اقوام متحدہ اس مشکل وقت میں اضافی امداد کی پیشکش کے لیے تیار ہے۔