ایک امریکی پائلٹ تحقیق سے یہ بات سامنے آئی ہے کہ مختصر دورانیے کے لیے سجدہ کرنے سے انسانی دماغی سرگرمیوں پر مثبت اثر پڑ سکتا ہے۔ یہ تحقیق پی ایم سی میں شائع ہوئی ہے جس میں انسانی دماغ کے سگنلز کو مختلف فریکوئنسی بینڈز اور سائنسی پیمانوں کے ذریعے جانچا گیا۔
تحقیق میں تین خواتین اور دو مرد رضاکاروں نے حصہ لیا۔ تجربے کے دوران شرکاء کے دماغی سگنلز آنکھیں کھلی اور بند دونوں حالتوں میں ریکارڈ کیے گئے۔
مطالعے میں شامل شرکاء کو کچھ مخصوص معیار پر پورا اترنا ضروری تھا جن میں ماضی میں کسی نفسیاتی مرض میں مبتلا نہ ہونا، سر یا ریڑھ کی ہڈی کے آپریشن یا چوٹ کا سامنا نہ ہونا، کسی قسم کی نیورو سائیکولوجیکل ادویات کا استعمال نہ کرنا اور نماز باقاعدگی سے ادا کرنا شامل تھا۔
تحقیق کے نتائج کے مطابق سجدے کے مختصر دورانیے سے دماغ کی سرگرمیوں میں تبدیلیاں دیکھی گئی ہیں جو ذہنی سکون اور توجہ بڑھانے میں مدد دیتی ہیں۔