آسٹریلوی کرکٹر عثمان خواجہ کی فیملی کو سوشل میڈیا پر نسل پرستانہ اور مذہبی تعصب کا سامنا کرنا پڑا ہے۔
تفصیلات کے مطابق سڈنی بیچ فائرنگ واقعے کے بعد پورے آسٹریلیا میں سوگ کا سماں تھا وہیں کچھ شدت پسندوں نے نسل پرستانہ حملے میں عثمان خواجہ کی بیٹیوں کو بھی نشانہ بنا دیا۔
عثمان خواجہ ان دنوں ایشیز سیریز کھیل رہے ہیں اور انہوں نے خود ان پیغامات پر کوئی ردعمل نہیں دیا لیکن ان کی اہلیہ ریچل خواجہ نے سوشل میڈیا پر موصول ہونے والے توہین آمیز اور نفرت انگیز پیغامات شیئر کرتے ہوئے بتایا کہ ایسی نفرت انگیزی ماضی میں بھی ہوتی رہی ہے لیکن حالیہ دنوں میں نمایاں اضافہ ہوا ہے۔
انہوں نے کہا کہ یہ پیغامات نہ صرف تکلیف دہ بلکہ اس بات کی یاد دہانی بھی ہے کہ مشکل اوقات میں اقلیتی کمیونٹیز کو کس طرح نفرت کا سامنا کرنا پڑتا ہے۔