اکثر لوگ اس بات کی شکایت کرتے ہیں کہ ان کے فریزر یعنی فریج کے اوپر والے حصے میں تو برف جم رہی ہے لیکن نیچے والا حصہ کولنگ نہیں کررہا. آئیے جانتے ہیں کہ ایسا کیوں ہوتا ہے اور اسے کیسے ٹھیک کیا جاسکتا ہے.
فریج کی کولنگ کا دارومدار کمپریسر میں موجود گیس پر ہوتا ہے. گیس ختم ہونے لگے تو فریج کی کولنگ کم ہوجاتی ہے اور بالآخر فریزر میں بھی کولنگ ختم ہوجاتی ہے.
آپ کے کمپریسر میں گیس موجود ہے یا نہیں اس کو جاننے کے لئے کسی الیکٹریشن کے پاس جانے کی ضرورت نہیں بلکہ یہ کام آپ خود بھی کرسکتے ہیں.
فریج کے کمپریسر میں 2 پائپ ہوتے ہیں. پتلا والا پائپ ڈسچارج کا اور موٹا پائپ سکشن کا ہوتا ہے. اگر ڈس چارج پائپ گرم ہے تو اس کا مطلب کمپریسر میں گیس موجود ہے. جبکہ سکچن پائپ ٹھنڈا ہونا چاہیے. گرم موسم میں سکشن پائپ ہلکا گرم جبکہ سردی کے موسم میں کافی ٹھنڈا ہوسکتا ہے.
اگر آپ کے کمپریسر میں گیس کم ہو تو اسے بھروا کر فریج کی کولنگ بڑھائی جاسکتی ہے.