"میرا اپنے دوسرے شوہر حارث سے ایک خاتون دوست کی وجہ سے ٹریولنگ کے لئے رابطہ ہوا تھا. بعد میں یہی جان پہچان دوستی تک پہنچی اور ہماری شادی ہوگئی. دراصل شوہر کے انتقال کے بعد پہلے مجھے اپنے تین بچوں کے ساتھ دبئی جانا تھا. میں نے حارث سے ٹکٹس کروانے کی مدد لی تھی. پہلی بار حارث سے فون سے بات ہوئی جس میں انھیں بھائی کہہ دیا. البتہ حارث ناراض ہوگئے اور کہا کہ میں آئندہ انہیں بھائی نہ کہوں"
یہ کہنا ہے اداکارہ اور اینکر پراب عائشہ جہانزیب کا جنھوں نے حال ہی میں فوزشیا کو انٹرویو دیتے ہوئے اپنی دوسری شادی سے متعلق حقائق بتائے.
عائشہ جہانزیب کا کہنا ہے کہ میرے پہلے شوہر جہانزیب کا انتقال کینسر سے ہوا تھا. جس کے کئی سال بعد میں نے اپنی ماں کے کہنے پر دوسری شادی حارث سے کی. اور اب میرے اور حارث کے دو بچے ہو چکے ہیں. میں نے حارث سے شادی کرنے کے بعد بھی اپنے نام کے ساتھ پہلے شوہر کا نام لگا رکھا ہے. اس پر لوگ حیران ہوتے ہیں جبکہ کچھ لوگ طعنے بھی دیتے ہیں. دوسری شادی کرتے وقت میرے پہلے شوہر کے سب سے بڑے بیٹے کی عمر 10 سال، دوسری بیٹی کی 7 اور سب سے چھوٹی بیٹی کی 5 سال تھی. میرے پہلے شوہر کے بچوں کے نام کے ساتھ ان کے دادا کا نام لگا ہوا ہے جب کہ میرے ساتھ مرحوم شوہر کا نام لگا ہوا ہے. دوسرے نے بھی خوشی سے اس بات کی اجازت دی ہوئی ہے. میری والدہ کو ڈر تھا کہ میں ٹی وی پر آ کر بگڑ نہ جاؤں اس لئے ٹی وی پر کام کرنے کی اجازت بھی دوسرے شوہر نے دلوائی ہے.