کھانا جب بھی کھانا تم

کھانا جب بھی کھانا تم
کھانا جب بھی کھانا تم
دسترخوان بچھانا تم

بسم اللہ کے پڑھنے کو
ہرگز بھول نہ جانا تم

جو ہو سب سے زیادہ بزرگ
اس سے شروع کرانا تم

گر جائے جو نوالہ تو
اس کو اٹھا کر کھانا تم

سنت زندہ کرنے میں
ہرگز مت شرمانا تم

کھانا جب اک قِسم کا ہو
سامنے ہی سے کھانا تم

کھانے پینے کی خاطر
دایاں ہاتھ بڑھانا تم

ہاتھ کو دھونا گٹوں تک
جب بھی کھانا کھانا تم

ٹیک لگا کر مت کھانا
اکڑوں بیٹھ کے کھانا تم

اپنے اٹھنے سے پہلے
دسترخوان اٹھانا تم

کھانے کے بارے میں کبھی
شکوہ نہ لب پر لانا تم

رزق کا اس میں ہے اکرام
جوتے اتار کے کھانا تم

کھانے کے جو برتن ہیں
کر کے صاف اٹھانا تم

چاٹنا اپنی انگلی کو
نورِ سنت پانا تم