چاندنی
Poet: wasim ahmad moghal By: wasim ahmad moghal, lahore ہے میرے یار کی ہر اداچاندنی
خامشی چاندنی ہے صَدا ۔۔۔۔۔۔۔چاندنی
ہے میرے یار کی ہر ادَا ۔۔۔۔۔۔۔چاندنی
ُگل کدہ چاندنی مے کدہ ۔۔۔۔۔۔۔چاندنی
اُس کے دَم سے ہے ساری فَضا ۔۔۔چاندنی
اُس کی یادوں سے روشن ہے ۔۔میرا جہاں
ہر طرف ہے اُسی کی ضیاء ۔۔۔۔۔۔چاندنی
چاندنی ہی کی اَفشاں کھلی ہے ۔۔۔۔۔وہاں
اور ہاتھوں پہ ہے وہ حِنا ۔۔۔۔۔۔۔چاندنی
چاندنی ہی میں لپٹا ہوا ہے۔۔۔۔۔۔۔تمام
پیراہن چاندنی ہے رَدا ۔۔۔۔۔۔۔چاندنی
چاندنی ہی میں ُگندھاہے۔۔۔ وہ سارا بدن
اوراُس پہ یہ شرم و حَیا۔۔۔۔۔۔۔چاندنی
حُسن ہی حُسن ہے۔۔ لُطف ہی لُطف ہے
اُس کے چہرے پہ کھِلتی ہے کیا۔۔ چاندنی
بھینی بھینی سی خُوشبُو ہے ۔۔پھیلی ہوئی
کس نے کھولی ہیں زُلفیں بتا ۔۔۔۔چاندنی
چاندنی تم کو ہے واسطہ۔۔۔۔۔۔۔ چاند کا
کچھ میرے چاند کی بھی دِکھا ۔۔۔۔چاندنی
نور اُترا ہو جس میں میرے ۔۔۔۔۔یار کا
جام ایسا بھی کوئی پلا ۔۔۔۔۔۔۔۔چاندنی
درد بننے لگے یاد محبوب ۔۔۔۔۔۔۔۔کی
اِس قدر بھی نہ ہم کوسَتا ۔۔۔۔۔۔چاندنی
کیوں نہ دل سے لگاؤں میں بڑھ کے اِسے
درد بھی تو ہے اُس کی عطا۔۔۔۔۔چاندنی
لمحہ لمحہ تڑپ دل کی ۔۔۔۔۔۔بڑھنے لگی
حشر کر دے نہ دل میں بَپا ۔۔۔۔چاندنی
خون دے دے کے روشن کیا ہے اِسے
بجھ نہ جائے یہ دل کا دیا ۔۔۔۔۔چاندنی
کیوں جلاتی ہو جسم و دل و جان۔۔۔ کو
ہم نےکی ہےبھلا کیا خطا ۔۔۔چاندنی
پاس ہو وہ اَگر نور ہی نور۔۔۔۔۔ ہے
آگ ہوتی ہے اُس کے بِنا۔۔۔چاندنی
روح بن کے اُترتی چلی ہی۔۔۔۔گئی
سازِ فطرت پہ نغمہ سِرا۔۔۔۔چاندنی
ہم فقیروں کی ہے تیرے حق میں دعا
تیرے ہونٹوں پہ کھیلے سدا ۔چاندنی
معجزہ کوئی تُو بھی دِکھا ۔۔۔۔چاندنی
اُن کے چہرے سے پردہ ہٹا ۔چاندنی
نہ اَمیری کی اُسے قَید، نہ غُربَت کی رَضا ہے
یہ نہ دیکھے کہ کوئی تَخت پہ بیٹھا ہُوا ہے
یا کوئی خاک کی چادَر میں لِپٹا ہُوا ہے
کبھی ہَنستے ہوئے چہروں کو رُلا جاتی ہے
کبھی آنکھوں میں بَسے خَواب مِٹا جاتی ہے
کبھی ماں باپ کا سایہ ہی اُٹھا لیتی ہے
کبھی بَچّوں کی ہَنسی چھِین کے لے جاتی ہے
یہ نہ رِشتوں کی حُرمَت، نہ تَعلق دیکھے ہے
بَس اَجَل اپَنے مَقَرّرہ ہی لمَحے دیکھے ہے
جو گیا لَوٹ کے آیا نہیں دُنیا میں کبھی ہے
بَس یَہی بات دِلوں کے لیے اِک صَدمہ ہے
غَم کی اِس گھَڑی میں صَبَر ہی مومن کا سَہارا ہے
وَرنہ یہ دُکھ تو ہر اِک دِل نے اَکیلا سَہا ہے
مظہرؔ اِس سَچ کو سمجھ لو، یَہی اَنجامِ حیات ہے
مَوت آ کر یہ بتاتی ہے کہ دُنیا فانی ہے
یہ خُون کے دَھبّے کبھی چہروں سے نہ دھُلیں گے
ہَر شہر میں پھَیلی ہوئی خاموش فَضا کو
آوازِ حَق آئیں گی تو پَتھر بھی ہِلیں گے
یہ وَقت کی عادَت ہے کہ فِرعَون بہت ہیں
مُوسیٰ بھی مگر بَطنِ زَمانہ سے نِکلیں گے
مَعصُوم لَہو مانگ رہا ہے یہ گواہی
تاریخ کے اَوراق میں یہ دن بھی لکھیں گے
زَنجیر کی جھَنکار سے ڈَرنے کی نہ کَہیو
یہ لوگ ہیں، اِک روز یہی زَنجیر بَدلیں گے
جو لوگ سَمجھتے ہیں کہ سَب خَوف میں ہیں قَید
وہ دیکھ لیں، حالات کے دھارے بھی بَدلیں گے
مظہرؔ یہ اَندھیروں کا تَسَلَط ہے فَقط آج
سُورَج ہیں اگر زِندہ تو کل پھر سے نِکلیں گے
زَمانے بھر کی رُسوائی کو بھی سِینے سے لگانے کا
جو سَچے دِل سے کرتے ہیں، وہ سَودا خَوف کا کَب ہے؟
یہ رَستہ ہے چراغِ جاں سرِ طُوفاں جَلانے کا
وَفا جب ہاتھ تھامے تو حِسابوں میں نہیں پَڑتی
یہ شیوہ ہے خَساروں میں بھی رِشتہ ہی نِبھانے کا
مُحبت مَصلِحَت کی قَید میں رَہ کر نہیں جیتی
یہ دَریا ہے کِناروں سے بَغاوَت کر کے جانے کا
جو بَدنامی کے ڈَر سے ساتھ چھوڑ آئے رہِ دِل میں
اُسے دَعویٰ تو آتا ہے، ہُنر نہیں وَفا کرنے کا
عَہد اَگر سَچاّ ہو تو مَوسم راہ نہیں روکتے
یہ حوصِلہ ہے کانٹوں پر بھی ہَنستے مُسکرانے کا
مظہرؔ عِشق وہ سَجدہ ہے جِسے دُنیا نہیں سَمجھی
یہ جَذبہ ہے فَنا ہو کر بھی مَحبُوب کو پانے کا
کسی نے دَرد کو سَڑکوں پہ پھر عُریاں لِکھا ہے
یہ کیسا دَور آیا ہے، یہ کیسا اِمتحاں آیا
کہ ہر سَچ بولنے والے پہ اِک زِنداں لِکھا ہے
نہ ماؤں کی دُعائیں ہیں، نہ بَچّوں کی ہَنسی باقی
فضاؤں نے ہر اِک چہرے پہ اِک طُوفاں لِکھا ہے
کبھی راولاکوٹ رویا، کبھی کوئی نگر رویا
سِتم کی داستاں نے خود کو پھر دہراں لِکھا ہے
یہاں طاقَت کے اِیوانوں میں فیصلے اور ہوتے ہیں
مگر مَحروم لوگوں نے اَلگ فَرمان لِکھا ہے
وہ کہتے ہیں کہ خاموشی ہی اب تَقدیر ہے اَپنی
مگر اہلِ وَفا نے "حَق" کو پھر اِمکاں لِکھا ہے
نہ دَولت سے، نہ قُوَّت سے، نہ تَلواروں کی دھَمکی سے
ضَمیرِ زِندہ نے آزادی کو قُرآں لِکھا ہے
مظہرؔ! وقت گواہی دے گا آنے والی نَسلوں کو
وَفا والوں نے خُون سے آزادی کا ساماں لِکھا ہے
