پیندے عشق دے لمے ، رائے غمیاں دے کچ

پیندے عشق دے لمے ، رائے غمیاں دے کچ
اَسی ہالے وی ہاں کیندے ، اِس سفر تو بچ

عشق حسناں دا باغ ، جنوں کنڈیاں دی واڑ
حسناں دے واسطے وے ، لیئی زندگی نہ پھاڑ
کجھ ملناں نہیں تینوں ، آکھاں بار بار سچ
پیندے عشق دے لمے ، رائے غمیاں دے کچ

ہاڑ ، جیٹھ دیاں دُھپاں ، اُتوں گرم ہواواں
رانجھے ، مجنوں توں پُچھ ، کنیاں اُوکھیاں اے راہواں
تیز درداں دا سَیک ، راہ چ ہجراں دا مچ
پیندے عشق دے لمے ، رائے غمیاں دے کچ

عشق سیداں دے پیری ، نہالؔ کنگڑوں پواوے
وچ گلیاں بازاراں وانگ کنجراں نچا وے
یار پہندا اے مناؤنا ، بھُلے وانگوں نچ نچ
پیندے عشق دے لمے ، رائے غمیاں دے کچ