Add Poetry

نادان محبت - ١

Poet: Ahsan Mirza By: Ahsan Mirza, Karachi

محبت تو نادان ہوتی ہے
بس ہو ہی جاتی ہے
کبھی راہ چلتے ہوئے
کبھی اک نظر میں
بڑی ظالم ہے یہ محبت
کہیں چھپ بھی نہیں سکتی
آنکھوں سے صورت اشکوں کی
گالوں پہ بہہ کر
روپوش ہوجاتی ہے
بڑی ظالم ہے یہ محبت
دکھا کے جھلک الفت کی
وفا کا دم بھرتی ہے
بنا کے ریت کا محل
اس ہی کو روند دیتی ہے
کوئی سوال نہیں ہے
کوئی جواب نہیں ہے
بڑی ظالم ہے یہ محبت
دکھا کے شوخ و چنچل رنگ
دکھا کے خوبرو سپنے
نئی زندگی دیتی ہے
پھر اس ہی زندگی کو
زندہ درگور کرتی ہے
بڑی ظالم ہے یہ محبت

Rate it:
Views: 442
20 Jul, 2011
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets