غالب تھا جو گماں سےبھی
Poet: حیاء غزل By: حیاء غزل , Karachiغائب تھا جو گماں سے بھی منظر میں آگیا
” دستک دئیے بغیر مرے گھر میں آگیا"
ایسا دھرا تھا چاک پہ بنتا ہوا وجود
لوح جہاں پہ حرف مکرر میں آگیا
قیمت چکائی شوق کی مفلس کی ٹاٹ نے
پیوند عارضی تھا، مقدر میں آگیا
آنکھوں کا درد بن کے تصور چھلک پڑا
جیسے وہ موج بن کے سمندر میں آگیا
با فیض ہو گئے جو تھے بے فیض کل تلک
شاہوں کا وصف مست قلندر میں آگیا
کچھ گام ہی چلے تھے گو اپنے مقام سے
لطف سفر تو راہ کی ٹھو کر میں آگیا
جب وار پشت پر مرے ہمدم نے کر دیا
جو زہر تھا زبان کا، خنجر میں آگیا
پلکوں سے اُسکی ایک ستارہ سا ٹوٹ کر
میرے دل ونگاہ کے محور میں آگیا
اسکا خیال دیکھئے پھر سے حیا غزل
دن ماہ و سال بن کے کلینڈر میں آگیا
Rate it: 
Views: 218
26 Oct, 2022
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
