شاید میں بانجھ ھوں

اک چوٹ سی لگی آج یونہی
دلء نامراد پہ
عام سے لوگوں سا ھر کار ھے میرا
ھنستی ھوں۔۔۔۔۔۔۔ کچھ زیادہ
روتی ھوں ۔۔۔۔۔۔۔ کب........... لا علم ھوں
سینے میں دھڑکتا ھے
پہلو میں مچلتا ھے اک دل نا ھنجار سا
لفظوں کی چاشنی سے
لہجے کی حلاوت سے
گل سے کھلاتی ھوں
بجھے ھوئے دلوں کو مرھم لگاتی ھوں
بھرتی ھیں اڑان سوچیں
لیتے ھیں بوسہ افلاک قہقہوں کا
رقص جابجا کرتے ھیں ابہام
آنکھوں میں تھرکتے غموں پہ
مگر۔۔۔۔۔ لیکن۔۔۔۔۔۔ تاھم۔۔۔۔۔۔۔ چونکہ۔۔۔۔۔۔ چنانچہ
کس وھم پہ ماتھا پھوڑوں...................
خوش باش زندگی پہ کیسے نقاب چھوڑوں
دہلا گئی۔۔۔۔۔ کل ۔۔۔۔۔ان سب سے بالا
اک ھمدرد کی باتیں
سینے سے لگایا۔۔۔۔۔۔ وثوق سے بولی
ناز تھا جسے شاید اپنے مال و اولاد پر
خیر اب کیا میں گزرے قصے ادھیڑوں
بات ھو کوئی اور .......... مگر تزکرہ یہی تھا
لب لباب محض اتنا تھا گفتار کا
شاید وقت کی نبض ملی نہیں مجھے
امتحان مالک نے لینے ھیں کچھ کڑے
اتنا لگا کہ جیسے بقول اسکے
میں
بانجھ
ھوں