جو تُو نہیں ہے تَو دل میں ہے کلی جاناں

جو تُو نہیں ہے تو دل میں ہے بے کلی۔۔۔۔۔ جاناں
تمہارے دم سے ہے اپنی تو ہر خوشی ۔۔۔۔۔جاناں
نہ دوستی ہے کسی سے نہ دُشمنی ۔۔۔۔۔۔۔۔جاناں
میں اپنے شہر میں لگتا ہوں اَجنبی ۔۔۔۔۔۔۔جاناں
مشہور جس کی ہے دنیا میں نازکی۔۔۔۔۔۔۔ جاناں
دکھائے کیسے وہ وعدے کی پختگی ۔۔۔۔۔۔۔جاناں
بجا رہا ہوں محبّت کی بانسری۔۔۔۔۔۔۔۔۔۔جاناں
کیا نہ چھیڑو گے تم اپنی راگنی۔۔۔۔۔۔۔۔۔۔جاناں
ہماری آنکھوں میں رہتی ہے بس نمی۔۔۔۔۔جاناں
نجانے رہ گئی دنیا میں کیا کمی ۔۔۔۔۔۔۔۔۔۔جاناں
یقیں نہ آئے تو خود آ کے دیکھ لے۔۔۔۔۔۔۔ ان کو
وہ ہی زخموں پہ پہلی سی تازگی ۔۔۔۔۔۔۔۔۔جاناں
تمہاری آنکھوں نے۔۔۔۔۔۔گمراہ کر دیا ہے مجھے
تمہارے ذمے ہے اب میری رہبری ۔۔۔۔جاناں
تمہاری زلفیں تو زنجیر بن گئیں۔۔۔۔۔۔۔ مر۔ی
تُو آکے دیکھ لے اِک باربے بسی ۔۔۔۔۔۔۔جاناں
عجیب چیز ہے تیرا ۔۔۔۔۔۔۔۔۔۔یہ شربتِ دیدار
میں جوں جوں پیتا ہوں بڑھتی ہے تشنگی ۔۔۔جاناں
جو پھول ہیں سو وہ تیرے ہیں ۔۔۔خار ہیں میرے
اِ سی کا نام ہے دنیا میں عاشقی کی ۔۔۔۔۔۔۔۔جاناں
سُلگ رہا ہوں جدائی کی آگ میں۔۔۔۔۔۔۔۔ تنہا
کہاں گیا وہ تیرا عہدِ دلبری ۔۔۔۔۔۔۔۔۔۔جاناں
وہ جس پہ گزری نہیں ہے ۔۔۔۔۔وہ خاک سمجھے گا
فریب خوردہ دلوں کی شکِستگی ۔۔۔۔۔۔۔۔جاناں
وہ ساتھ لائی تھی اپنے قیامتیں ۔۔۔۔۔۔۔۔کیاکیا
شبِ فراق جو ہم پہ گزر گئی ۔۔۔۔۔۔۔۔۔۔جاناں
ہمارے ساتھ ہمشہ ۔۔۔۔۔۔۔۔۔جومسکراتی تھی
اب میرے حال پہ روتی ہے چاندنی۔۔۔۔ جاناں
کہ زندگی میں میری پھر سے جان۔۔۔۔ پڑ جائے
تُودیکھ لے مجھے اِک بار سرسری۔۔۔۔۔۔ جاناں
زمانے بھر کی مجھے تیرگی سے۔۔۔۔۔۔۔ لڑنا ہے
ملے گی کب تیرےچہرے کی روشنی ۔۔۔جاناں
مٹا دے جو میرے سینے کی۔۔۔۔۔ تلخیاں ساری
وہ گفتگو کرو مجھ سے بھی رس بھری۔۔۔۔ جاناں
اسی نے آگ لگائی ہے میرے ۔۔۔۔۔۔سینے میں
جسے سمجھتارہامیں ہے دل لگی ۔۔۔۔۔۔۔۔جاناں
بہا کے لے گئی کتنی ہی بستیاں۔۔۔۔۔۔۔ دل کی
چڑھی ہوئی میری میں آنکھوںمیں یہ ندی جاناں
اُٹھا کے پھینک نہ آئے مجھے بھی۔۔۔۔۔۔صحرا میں
ہوائے عشق تو ہوتی ہے سَرپِھری۔۔۔۔۔ جاناں
بجھا نہ دے کہیں امید کے۔۔۔۔۔۔۔ چراغوں کو
ہوائے درد چلی ہے اَبھی اَبھی ۔۔۔۔۔۔۔جاناں
رہوں گا کیسے میں خلدِ بریں کے ۔۔۔باغوں میں
نظر نہ آئی جو صورت وہاں تری۔۔۔۔۔۔ جاناں
تمہارا حسن میں شعروں میں کیوں بیاں نہ کروں
تمام فیض ہےتیرا یہ شاعری۔۔۔۔۔۔۔۔ جاناں
جو زیرِ لب ہے تبسّم۔۔۔۔۔۔۔ وہ اورہی کچھ ہے
گلوں کی دیکھی ہے ہم نے شگُفتگی۔۔۔۔۔ جاناں
یہ پھول جھانکتے رہتے ہیں میرے ۔کمرے میں
یہاں سے آتی ہے خوشبو تیری ابھی ۔۔۔جاناں
فلک پہ دیکھا تو ۔۔۔۔۔۔۔۔قوسِ قزح نظر آئی
لئے ہوئے تھی وہ آنچل ترے سبھی ۔۔۔جاناں
یہ تارے روز نکلتے ہیں۔۔۔۔۔۔۔ دیکھنے اس کو
لبوں پہ چاندنی جیسی تری ہنسی۔۔۔۔۔۔ جاناں
ہر روز چومنے آتی ہیں۔۔۔۔۔۔۔ تتلیاں اِس کو
سجا کے رکھی ہے تصویر جو تری۔۔۔۔۔۔ جاناں
یہ چاند بھی ہے پریشان۔۔۔۔۔۔۔ دیکھ کر تم کو
کیوں یہ ماند ہوئی جاتی ہے چاندنی۔۔۔۔۔ جاناں
مجھے تو بادِ صبا سے ۔۔۔۔۔۔۔۔ہوا ہےیہ معلوم
تمہارے گھر کا پتہ اور تری گلی ۔۔۔۔۔۔جاناں
میں روز اُٹھتا ہوں یہ سوچ کر۔۔ ترےدر سے
کہ لوٹ کرنہیں آؤں گا اب کبھی۔۔۔۔ جاناں
مجھے تو رہنا ہے ہر حال میں ۔۔۔۔۔تیرے در پر
کہ عشق میں نہیں ہوتی ہے واپسی۔۔۔۔ جاناں
اسے اُمید ہے تُو ترس ۔۔۔۔کھائے گا اِک دن
ہمارے دل کی بھی دیکھو یہ سادگی ۔۔۔۔جاناں
نجانے کونسی سوچوں میں گُم ہوا ہے ۔۔۔وسیم
سمجھتے ہیں اُسے اَب لوگ فلسفی۔۔۔۔۔۔ جاناں