تشِ ہجر میں خود کو ہی جلا رکھا ہے

آتشِ ہجر میں خود کو ہی جلا رکھا ہے
میں نے بڑھ کر اسے سینے سے لگا رکھا ہے

میں نے ہر روز نیا ایک تماشا کر کے
اپنی دنیا کی تمنا کو جگا رکھا ہے

ساری دنیا کو بتایا ہے کہ انسان ہوں میں
ایک میلا سا زمانے میں سجا رکھا ہے

اپنے حصے کی بہاروں کو لٹا کر تجھ پر
تیرے دامن کو شراروں سے بچا رکھا ہے

ایک دن دیکھنا لفظوں میں جھلک آئے گا
تم نے جس خون کو گردش میں بہا رکھا ہے

صاف لفظوں میں کرو عرضِ محبت وشمہ
بات کو یونہی مری جان گھما رکھا ہے