برسات بہا لے جائے گی

کوئی بھی موسم ہو برسات انہیں کیا بھائے گی
جن کے گھر بدلی رت کی برسات بہا لے جائے گی

گرمی حبس اور گرمی کی شدت تو یہ سہہ لیں گے
لیکن برسات کی جل تھل انکے تن من میں آگ لگائے گی
جن کے گھر بدلی رت کی برسات بہا لے جائے گی

کچی پکی اینٹوں اور گارے سے بن دیواریں
گھاس پھوس اور تنکوں کا عارضی سائباں

ٹاٹ اور کپڑوں کے پیوند زدہ دروازوں والے کچے گھروندے
رم جھم رم جھم رم جھم برکھا کی بوچھاڑ نہیں سہہ پائے گی
جن کے گھر بدلی رت کی برسات بہا لے جائے گی

کوئی بھی موسم ہو برسات انہیں کیا بھائے گی
جن کے گھر بدلی رت کی برسات بہا لے جائے گی