Tere Dil Se Jo Log Utarte Hain, Kidhar Jate Hain

Ja Baste Hain Bayabanon Mein, K Ghar Jate Hain
Tere Dil Se Jo Log Utarte Hain Kidhar Jate Hain

Hum Ne Qudrat K Mazahir Se Rasm-E-Wafa Seekhi Hai
Phool Jab Shakh Se Girte Hain Tou Mar Jate Hain

Kabhi Mashoor Thi Mehfil Mein Zinda Dili Jin Ki
Ab Tou Yun Sehme Hain K Aik Chap Se Dar Jate Hain

Kuch Tou Haail Thi Rah Mein Ye Dil Ki Nazakat Bhi
Wrna In Saanihon Pe Tou Lag Hans K Guzar Jate Hain

Wo Koun Hain Jis Ne Fasl-E-Mohabbat Mein Hijar Boya Tha
Jo Tursh Zaiqa Se Hain Samar Is K Kidhar Jate Hain

Pehle Pehl Tou Yun Tha K Mumkin Na Tha Neend Ka Ana Bhi
Ab Tou Yun Hai Khuab, Teri Khushbu Se Thithar Jate Hain