Hain Aabaad Laakhon Jahan Mere

Hain Aabaad Laakhon Jahan Mere Dil Mein
Kabhi Aao Daaman-Kusha Mere Dil Mein

Utarti Hai Dheere Se Raaton Ki Chup Mein
Tere Roop Ki Kehkashaan Mere Dil Mein

Ubharti Hai Raahon Se Kirnon Ki Lehrein
Sisakti Hai Parchaiyan Mere Dil Mein

Zamane Ke Lab Par Zamane Ki Baatein
Meri Dukh Bhari Daastan Mere Dil Mein

Koi Kya Rahega Jahan-E-Fana Mein
Raho To Raho Jaavidaan Mere Dil Mein