Aisa Maktib Bhi Koi Banaya Jaye

Aisa Maktib Bhi Koi Banaya Jaye
Saleeka Muhabat Ka Jaha'n Seekhaya Jaye

Kis Qadar Talakh Hai Muhabat Mein Dhoka Khana
Tum Kehtay Ho Ab Bhi Muskuraya Jaye

Zabat Nay Sanmbhal Rakha Hai Aankh Ka Pani
Kab Talak Magar Khud Ko Aazmaya Jaye

Bhatkay Teri Gali K Kaha'n Tak Pohanchay
Haal Un Ka Bhi Zara Sunaya Jaye

Acha Lagta Hai Tere Dast-E-Dua Mein Rehna
Magar Yeh Kiya K Ujaarr Kar Basaya Jaye

Kiya Yeh Mumkin Nahi Ay Dost K Ab Bhi
Routhi Baharo'n Ko Phir Manaya Jaye

Nakabal-E-Mafi Hai Juram Bewafai Ka Magar
Ussay Bhoolanay Ka Koi Gur Bhi Bataya Jaye

Dill Hai Muser Ab Bhi Issi Par Amber
Chaha Jaye Ussay Apna Banaya Jaye