کیسا پاگل ہوں کیا تلاش کروں
Poet: Dr. Khurshid Ahmed Bazmi By: Dr. Khurshid Ahmed Bazmi, Manchesterپتھروں میں وفا تلاش کروں
کیسا پاگل ہوں کیا تلاش کروں
عمرِ رفتہ کی یادگاروں سے
اپنے گھر کا پتا تلاش کروں
خواہشِ دل کا حال مت پوچھو
آندھیوں میں صبا تلاش کروں
ہاتھ کو ہاتھ نا سجھائی دے
ظلمتوں میں ضیا تلاش کروں
دخترِ رز کے زہر کو پی کر
دردِ دل کی دوا تلاش کروں
بستیوں میں ہے راج اندھوں کا
جنگلوں میں خدا تلاش کروں
جب اٹھاؤں یہ ہاتھ بر آئیں
ایک ایسی دعا تلاش کروں
رہزنوں کے شہرمیں خورشيد
عافیت کی ردا تلاش کروں
Rate it: 
Views: 536
30 Jan, 2015
More Love / Romantic Poetry
ظلمت تراش ظلمت تراش دستِ ستم گر نہیں ہوں میں
اک عَبْدِ کردگار ,ہوں کافر نہیں ہُوں میں ..
اک عَبْدِ کردگار ,ہوں کافر نہیں ہُوں میں ..
Murtaza Zaman Gardezi
