دور رہ کر بھی ترے دل کا پتہ لیتی ہوں
Poet: وشمہ خان وشمہ
By: وشمہ خان وشمہ, ملایشیا

دور رہ کر بھی ترے دل کا پتہ لیتی ہوں
تیری تصویر نگاہوں میں بسا لیتی ہوں

جب بھی اتری ہوں کبھی جھیل سی آنکھوں میں تری
ہیرے جتنے ہیں محبت کے چرا لیتی ہوں

تیری یادوں سے مرے اشک بھی باتیں کر لیں
دل کی دیوار پہ شیشہ میں لگا لیتی ہوں

غمِ دنیا میں تری یاد کو شامل کر کے
خشک صحرا میں سمندر بھی بہا لیتی ہوں

تم بھی اک بار نگاہوں سے سلامی کر لو
دستِ الفت میں اگر کہہ دو بؔڑھا لیتی ہوں

بانٹ کر پیار ، زمانے کو محبت دے کر
سارے عالم سے یقیں مانو دعا لیتی ہوں

ان میں خوشبو ہے ترے پیار کی وشمہ اب تک
سوکھے پھولوں کو میں ہونٹوں سے لگا لیتی ہوں

Rate it: Views: 5 Post Comments
 PREV All Poetry NEXT 
 Famous Poets View more
Email
Print Article Print 11 Feb, 2018
About the Author: washma khan washma

I am honest loyal.. View More

Visit 4158 Other Poetries by washma khan washma »
 Reviews & Comments
Post your Comments Language:    
Type your Comments / Review in the space below.