واسطہ ہے مرا جہان سے آج
Poet: وشمہ خان وشمہ
By: وشمہ خان وشمہ, ملایشیا

واسطہ ہے مرا جہان سے آج
ایک صحرا میں امتحان سے آج

میری دنیا کو دیکھنے کے لئے
چاند اترا ہے آسمان سے آج

دل کی تختی پہ پیار لکھیں گے
میرا وعدہ ہے میری جان سے آج

تیری دنیا میں ایک مدت بعد
دن گزارا ہے اتنی شان سے آج

اس نے توڑا ہے چپ کا دروازہ
میرے کہنے پہ اتنے مان سے آج

وہ تو جھوٹا ہے ساری دنیا کا
کیسے وعدہ کرے زبان سے آج

میں بھی جاگی تھی رات بھر لیکن
وہ بھی بیٹھا رہا گمان سے آج

اپنی خوشیوں کو بیچ کر اب تو
درد لائی ہوں اک دکان سے آج

اک پرندے کو دیکھ کر وشمہ
تیر نکلا نہیں کمان سے آج

Rate it: Views: 12 Post Comments
 PREV All Poetry NEXT 
 Famous Poets View more
Email
Print Article Print 18 Mar, 2017
About the Author: washma khan washma

I am honest loyal.. View More

Visit 4071 Other Poetries by washma khan washma »
 Reviews & Comments
Post your Comments Language:    
Type your Comments / Review in the space below.