اسے کہنا
قسم لے لے
جو اس کے بعد اس دل نے
کسی کو پھر سے چاہا ہو
سوا اس کے دعا میں
اور کچھ بھی دل نے مانگا ہو
شبِ فرقت میں اس دل نے
نہ تیرا وصل مانگا ہو
سوا اس کے مرے دل نے
کسی کا قرب مانگا ہو
کسی کی راہ دیکھی ہو
کوئی امید باندھی ہو
کسی کو دل میں جا دی ہو
اسے کہنا کہ اس کے بعد
مرے دل نے کسی کو بھی نہیں چاہا
بچھڑ کر اس سے اب دل میں
نہ موسم وصل کا آیا
خزاں ہر سو ہی چھائی ہے
اسے کہنا کہ یہ دل اب بھی
اسی کے نام کی تسبیح
سویرے شام پڑھتا ہے