ٹرین میں ایک اور مسلم خاندان بھارتی انتہا پسند ہندووں کا شکار

15 Jul, 2017 نیو
نئی دہلی: بھارتی ریاست اترپردیش میں ضلع فرخ آباد کے نزدیک ریل گاڑی میں سوار ایک مسلمان خاندان کو ہندو انتہا پسند ہجوم نے باقاعدہ شناخت کرکے ان کے ساتھ مارپیٹ اور لوٹ مار کی جبکہ ریلوے پولیس یہ سارا تماشا دیکھتی رہی۔بدھ کے روز کیے گئے اس حملے کی ویڈیو سوشل میڈیا پر وائرل ہوجانے کے بعد بھارت کا محکمہ پولیس حرکت میں آیا اور اس واردات کا مقدمہ گزشتہ روز نامعلوم افراد کے خلاف درج کرلیا گیا ہے۔ تفصیلات کے مطابق شاکر نامی شخص اپنی اہلیہ اور معذور بیٹے کے ساتھ گڑگاوں سے قائم گنج جارہا تھا جبکہ اس کے چار رشتہ دار بھی ہمراہ تھے۔ راستے میں فرخ آباد سے پہلے چند لڑکوں نے ریل گاڑی روا آئی اور ان کی بوگی میں چڑھ گئے۔ بھارتی اخبار ”دی ہندو“ نے اپنے اسٹاف رپورٹر کے حوالے سے لکھا ہے کہ بوگی میں چڑھنے والے ہندو انتہا پسندوں نے خاتون کے برقع پوش ہونے کی وجہ سے مسلمان گھرانے کو شناخت کیا اور اس کے بعد ان پر حملہ کردیا۔ ان لوگوں نے سب سے پہلے اس معذور لڑکے کو مارنا شروع کردیا اور جب انہیں روکا گیا تو وہ دوسرے مسافروں کے ساتھ بھی مارپیٹ کرنے لگے۔ مسافروں نے بڑی مشکل سے انہیں ٹرین سے نکال باہر کیا اور دروازے کھڑکیاں بند کرلیں لیکن پھر بھی وہ ایک کھڑکی توڑ کر دوبارہ بوگی میں گھس آئے۔حملہ آوروں نے شاکر اور اس کے خاندان والوں سے موبائل اور زیورات چھین لیے جبکہ انہیں جان سے مارنے کی دھمکیاں بھی دیں۔ مودی سرکار کی خاموش حمایت کے باعث بھارت میں نام نہاد ”گﺅ رکشکوں“ کے ہاتھوں مسلمانوں پر تشدد اور قتل و غارت گری کے واقعات میں مسلسل اضافہ ہورہا ہے اور ایسے بیشتر واقعات میں قانون نافذ کرنے والے ادارے خاموش رہتے ہیں۔ اس سے پہلے بھی عید کے موقعے پر دہلی کے نزدیک ایک ہندو جنونی ہجوم نے بس میں سفر کرنے والے 16 سالہ جنید پر گائے کا گوشت رکھنے کا الزام لگا کر اسے بدترین تشدد کرکے قتل کردیا تھا جبکہ اس کے بھائیوں کو شدید زخمی کردیا تھا۔ تب بھی دہلی پولیس نے خاصی دیر بعد ”نامعلوم ہجوم“ کے خلاف مقدمہ درج کرکے ایک شخص کو گرفتار کیا تھا اور فائل بند کردی تھی۔فرخ آباد واقعے کی ویڈیو سوشل میڈیا پر وائرل ہوجانے کے بعد بھارتی ریلوے پولیس نے اسی ویڈیو کی بنیاد پر 30 مشتبہ افراد سے پوچھ گچھ کی اور ان میں سے 3 افراد کو حراست میں بھی لیا جاچکا ہے۔ واضح رہے کہ انتہا پسند ہجوم کی بڑھتی ہوئی دہشت گردی کے باعث مسلمانوں اور دیگر اقلیتوں کا گھروں سے نکلنا اور محفوظ طور پر سفر کرنا مشکل سے مشکل تر ہوتا جارہا ہے جبکہ سماجی مبصرین نے اس حوالے سے بھارتی سیاست دانوں کے ردِعمل کو ”مجرمانہ خاموشی“ قرار دیا ہے۔

Watch Live News

بغدادی کے ہلاک ہونے کا کوئی ثبوت نہیں: اعلیٰ امریکی اہل کار

22 Jul, 2017 وائس آف امریکہ اردو

انسداد دہشت گردی سے وابستہ اعلیٰ اہل کار کے بقول، ’’ہمارے پاس ایسی کوئی اطلاع نہیں جس سے ا ... مزید

دریا ئے سندھ میں پانی کی سطح تیزی بلند، گڈو بیراج کے مقام پر نچلے درجے کے سیلاب کا امکان

22 Jul, 2017 نیو

سکھر: ملک کے مختلف حصوں میں مون سون بارشوں کے باعث دریا ئے سندھ میں پانی کی سطح تیزی سے بل ... مزید

لاڑکانہ پولیس کی مختلف علاقوں میں جرائم پیشہ افراد کے خلاف کارروائی، 13 ملزمان گرفتار

22 Jul, 2017 نیو

لاڑکانہ : لاڑکانہ پولیس کی ضلع کے مختلف علاقوں میں جرائم پیشہ افراد کے خلاف کارروائی، سنگ ... مزید

خواتین کی نازیبا ویڈیوز بنا کر بلیک میل کرنے والا" جعلی پیر "گرفتار

22 Jul, 2017 نیو

جموں و کشمیر : ریپ کرنے کے بعد خواتین کی فلمیں بنا کر ان کو بلیک میل کرنے والے" جعلی پیر " ... مزید

چینی حکومت نے جسٹن بیبر پر پابندی لگا دی

22 Jul, 2017 نیو

بیجنگ : مایہ ناز کینیڈین گلوکار جسٹن بیبر کا پوری دنیا گھومنے کا خواب ادھورا رہ گیا کیونکہ ... مزید

پاکستان دہشت گردوں کیلئے بدستور ایک محفوظ پناہگاہ ہے: امریکی محکمہ خارجہ

21 Jul, 2017 وائس آف امریکہ اردو

 ... مزید

Load More
Post Your Comments
Select Language:    
MORE ON NEWS
MORE ON HAMARIWEB