سرکہ باورچی خانے میں استعمال ہونے والی عام سی چیز ہے. لیکن اس سرکے کے کھانے میں ڈالے جانے کے علاوہ بھی کئی استعمال ہیں جو بڑی الجھنوں سے نمٹنے میں آپ کی مدد کرسکتے ہیں.
اکثر بیسن یا شیشوں پر پانی کا داغ رہ جاتا ہے. اس کو صاف کرنے کے لیے سرکہ چھڑکیں اور کپڑے سے پونچھ ڈالیں.
جدید تحقیق کے مطابق سیب کا سرکہ وزن کم کرنے کے لیے بھی کافی مفید ہے.
زیور یا چاندی کے برتنوں کو صاف کرنے کے لیے گرم پانی ،آدھا کپ بیکنگ سوڈا ،آدھا کپ نمک ،اور ایک کپ خالص سفید سرکہ کا مکسچر بنا لیں اور زیورات کو ان میں کچھ دیر ڈبو کر صاف کر لیں. چمک اٹھیں گے
ہاتھ جل جائے تو سفید سرکہ لگانے سے فوری آرام مل جاتا ہے. سورج کی روشنی سے جھلسی جلد کو بھی سکون بخشتا ہے.
کپڑے دھونے سے پہلے سرف میں بھگوئیں تو سرکہ بھی ڈال دیں. یہ تمام داغ صاف کردے گا. تولیے کو دھو کر سرکہ ملے پانی میں کھنگال دیں. تولیہ نرم رہے گا.