آج کل بازار اور مارکیٹس میں کھانے پینے کے نام پر جو پاپڑ اور جوس بیچا جا رہا ہے، وہ یوں ہی ہے جیسے کہ اپنے ہاتھ سے خود زہر کھانا۔
ایک ایسا ہی بچہ اس ظلم و بربریت کا شکار ہوا ہے، جس کی تصاویر نے سوشل میڈیا پر خوف پیدا کر دیا ہے۔
سوشل میڈیا پر ایک پوسٹ اپلوڈ کی گئی جس میں ایک کم عمر بچے کو دیکھا جا سکتا ہے جو کہ ناساز طبیعت کے ساتھ اسپتال میں زیر علاج ہے۔
دوسری جانب ایک پلیٹ میں کچھ تاریں دکھائی دے رہی ہیں، لیکن تار نما یہ چیزیں کچھ اور نہیں بلکہ کیڑے ہیں جو کہ اس بچے کے پیٹ سے نکالے گئے۔
کم عمر بچے کو شدید پیٹ درد ہوا، جس کے باعث بچے کو راولپنڈی کے ایم ایچ اسپتال منتقل کیا گیا، جہاں انکشاف ہوا کہ بچے کے پیٹ میں کیڑے موجود تھے جو کہ ناقص کھانے پینے کی چیزوں کی وجہ سے وجود میں آئے اور بچے کو شدید تکلیف دے رہے تھے۔
یہی وجہ ہے کہ ڈاکٹرز نے بچوں کو باہر کے کھانے پر پابندی بھی لگانے کی تجویز دی ہے۔