نورا فتیحی ایک مشہور ڈانسر ہیں جو بھارت سمیت دنیا بھر میں مشہور ہیں۔ نورا رقص کرنے کے ساتھ ساتھ اداکاری بھی کرتی ہیں۔ حال ہی میں اداکارہ نے اسلام اور نماز کے ساتھ گہرے تعلق کے بارے میں انکشاف کیا۔
ایک انٹرویو میں کینیڈین رقاصہ نورا نے کہا کہ نماز ایک مراقبہ کی طرح ہے، جو بندوں کو اپنے خالق سے ملنے کا سبب بنتی ہے اور روحانی اور ذہنی سکون حاصل کرنے کا موقع فراہم کرتی ہے۔
انٹرویو کے میزبان نے جب ان سے پوچھا کہ کیا وہ روزانہ نماز پڑھتی ہیں، تو نورا نے کہا، ہاں، ہاں۔
اداکارہ نے کہا کہ جب آپ اپنے خالق کے ساتھ جڑتے ہیں تو آپ روحانی اور ذہنی طور پر ایک خاص دائرے میں ہوتے ہیں۔
انہوں نے مزید کہا کہ دن میں پانچ وقت کی نماز پڑھنے میں کیا خوبصورت بات ہے، یہ وہی شخص بتا سکتا ہے۔
نورا کا کہنا تھا کہ نماز کا وقت وہ وقت ہوتا ہے جب آپ ہر کام کاج سے رک جاتے ہیں اور آپ اپنے خالق کا شکریہ ادا کرتے ہیں۔
اداکارہ نے اس بات کو تسلیم کرتے ہوئے بتایا کہ وہ اپنے مصروف شیڈول کی وجہ سے دن میں پانچ وقت کی نماز نہیں پڑھ پاتیں۔
نورا نے مزید کہا کہ دن میں پانچ وقت کی نماز ادا کرنا بہت اچھی بات ہے، میں یہ نہیں کہہ رہی کہ میں دن میں پانچ وقت کی نماز پڑھتی ہوں، بعض اوقات بہت مصروف رہتی ہوں تو کبھی 2 یا 3 پڑھ پاتی ہوں۔
نماز کے عمل کی وضاحت کرتے ہوئے، انہوں نے کہا،جب آپ سجدہ کرتے ہیں، جب آپ کا سر فرش پر ہوتا ہے، یہی وہ لمحہ ہوتا ہے جب آپ استغفار کر رہے ہوتے ہیں،یہ وہ لمحہ ہے جب آپ مکمل طور پر ایک مختلف سطح پر خدا سے جڑے ہوئے ہیں۔