یا نبی صلی اللہ علیہ وسلم ! کیجیے کرم
Poet: NADIA TARIQ By: NADIA TARIQ, LHRحشر میں خلد کی جانب جو نیکوکار چلے
یانبی صلی اللہ علیہ وسلم ! آپ کی جانب ہم گناہ گار چلے
ہم آپ کے ہیں،جہاںچاہیں،ہمی ںلے جائیں
قافلہ جائے جدھر قافلہ سالار چلے
اس رفاقت پہ ہوا رشک ملائک کو بھی
مکہ سے طیبہ کی جانب جودونوںیارچلے
چھوڑ کے تیری ہدایت کو ہوئے ہم رسوا
پھر ستم تھام کے ہم دامنِ اغیار چلے
کفر و الحاد کا چھایا ہے اندھیرا لیکن
ہاتھ میں لے کے دیے حق کے پرستارچلے
الله امت کی خبر لجیے کہ ہے وقت کڑا
اب تو شیطاں کے اشاروں پہ سیاہکارچلے
میری ملت پہ جو عصیاں کی گھٹاچھایئی ہے
پھر سے قرآں کے اصولوں پہ یہ سرکار صلی اللہ علیہ وسلم چلے
اپنے رب سے اپنی امت کی سفارش کر دیں
لے کر طیبہ کو یہ عرضی سبھی غم خوارچلے
آپ صلی اللہ علیہ وسلم کے در کے سوا اور ٹھکانہ ہی نہیں
طلبِ اماں میں سبھی آپ صلی اللہ علیہ وسلم کے دربار چلے
بخشیے امت کی خطائیں، یا نبی صلی اللہ علیہ وسلم ! کیجیے کرم
پھر سے گلشن میں وہ اسلام کی بہار چلے
ہم کو طاغوت کے پنجے سے چھڑا لیجیے حضور صلی اللہ علیہ وسلم
اس سے پہلے کہ رب کے قہر کی تلوار چلے
جانے وہ کوں ہیں؟جو دل مین بسائیں دنیا
ہم تو بیزار ہی آے تھے سو بیزار چلے
فہم و گماں سے آگے ہے رتبہ حسینؑ کا
قرآن کے ورق بولیں شبّرؑ کے نام پر
محشر میں ذکر ہوگا یہ خطبہ حسینؑ کا
دریا نے پیاس دیکھی، جھجک کر رُک گیا
سایہ بھی زیرِ زخم تھا قبضہ حسینؑ کا
باطل ہو یا ستم ہو، قدم نہ ڈگمگائے
قائم ہے آج تک بھی وہ وعدہ حسینؑ کا
نیزے پہ بھی زباں تھی، تلاوتیں ہوئیں
کانوں نے خود سنا ہے وہ لہجہ حسینؑ کا
بکھری تھیں لاشگاہ میں قربانیاں بہت
پر سب سے خاص منظر تھا سجدہ حسینؑ کا
تاریخ نے دکھایا ہے سچ کا یہ علم بھی
ہر دل پہ راج کرتا ہے کنبہ حسینؑ کا
جنت کا در جو کھلتا ہے در پر حسینؑ کے
اللہ نے دیا ہے یہ رتبہ حسینؑ کا
مظہرؔ لکھو عقیدت سے حرفوں کے چراغ
دل کہہ رہا ہے سارا ہے صدقہ حسینؑ کا
وہی مشکل گھڑی میں صاحبِ کامل مسلمان نکلے
جنہیں الزام دے کر اہلِ محرابوں نے دھتکارا
وہی حق کی حفاظت میں کھڑے کوہِ گراں نکلے
جنہیں بدنام کر کے شہر بھر میں شور برپا تھا
وہی باطل کے آگے بن کے سیلابِ رواں نکلے
جنہیں سمجھا گیا تھا بے عمل اور بے خبر لوگ
وہی میدانِ حق میں صف شکن مردِ جواں نکلے
جنہیں فتووں کی آندھی نے مٹانے کی ٹھانی تھی
وہی تاریخ کے اوراق میں روشن نشاں نکلے
جنہیں دنیا نے سمجھا تھا فقط خاموش رہنے والے
وہی طوفان بن کر ظلم کے آگے بیاں نکلے
مظہرؔ یہ بھی زمانے کی عجب تقدیر دیکھی ہے
جو سچے تھے وہی آخر میں اہلِ امتحاں نکلے
جب لفظ ساتھ چھوڑ جائیں
جب آنکھ فقط نمی بولے
جب لب خالی رہ جائیں
کیا صرف سجدہ کافی ہے؟
کیا تُو سنے گا وہ آواز
جو کبھی ہونٹوں تک نہ آئی؟
جو دل میں گونجتی رہی
خاموشی میں، بے صدا؟
میرے سجدے میں شور نہیں ہے
صرف ایک لرزتا سکوت ہے
میری دعا عربی نہیں
صرف آنسوؤں کا ترجمہ ہے
میری تسبیح میں گنتی نہیں
صرف تڑپ ہے، فقط طلب
اے وہ جو دلوں کے رازوں کا راز ہے
میں مانگتا نہیں
فقط جھکتا ہوں
جو چاہا، چھن گیا
جو مانگا، بکھر گیا
پر تُو وہ ہے
جو بکھرے کو سنوار دے
اور چھن جانے کو لوٹا دے
تو سن لے
میری خاموشی کو
میری نگاہوں کی زبان کو
میرے خالی ہاتھوں کو
اپنی رحمت کا لمس عطا کر
کہ میں فقط دعاؤں کا طالب ہوں
اور وہ بھی بس تیرے در سے
سخاوت عثمان اور علی کی شجاعت مانگ رہے ہیں
بے چین لوگ سکون دل کی خاطر
قرآن جیسی دولت مانگ رہے ہیں
بجھے دل ہیں اشک بار آ نکھیں
درِ مصطفیٰ سے شفاعت مانگ رہے ہیں
سرتاپا لتھڑے ہیں گناہوں میں
وہی عاصی رب سے رحمت مانگ رہے ہیں
رخصت ہوئی دل سے دنیا کی رنگینیاں
اب سجدوں میں صرف عاقبت مانگ رہے ہیں
بھٹکے ہوئے قافلے عمر بھر
تیری بارگاہ سے ہدایت مانگ رہے ہیں
بروز محشر فرمائیں گے آقا یارب
یہ گنہگار تجھ سے مغفرت مانگ رہے ہیں
آنکھوں میں اشک ہیں ، لبوں پر دعا ہے
جنت میں داخلے کی اجازت مانگ رہے ہیں
ہر دور کے مومن اس جہاں میں سائر
اصحاب محمدجیسی قسمت مانگ رہے ہیں
