مجاہدِ سنیت حافظ تجمل حسین حشمتی رضوی علیه الرحمه كی نذر
Poet: Dr. Muhammed Husain Mushahi Razvi By: Dr. Muhammed Husain Mushahi Razvi, Hyderabadبالیقیں اک شان تھے حافظ تجمل حشمتی
سنیت کی جان تھے حافظ تجمل حشمتی
اہل سنت کے لیے آوازۂ حق کے نقیب
سر بسر احسان تھے حافظ تجمل حشمتی
سنی جمعیت ہو یا ہو عید گاہ کا مرحلہ
ہر جگہ ہر آن تھے حافظ تجمل حشمتی
حق و باطل كے یهاں جب پیش آئے معرکے
حق كی اك پهچان تھے حافظ تجمل حشمتی
سادگی میں شان اور تقویٰ میں شوکت تھی عیاں
دل نشیں انسان تھے حافظ تجمل حشمتی
عمر بھر قرآن و سنت کی حفاظت خوب کی
خادمِ قرآن تھے حافظ تجمل حشمتی
خوش ہوئے سُن کر تلاوت حافظِ ملت بہت
قاری خوش الحان تھے حافظ تجمل حشمتی
بیشۂ سنت کے شیرِ حق کے منظورِ نظر
حشمتی پیکان تھے حافظ تجمل حشمتی
تھے چہیتے وہ اکابر علما و صلحاکےبھی
اُن پہ بھی قربان تھے حافظ تجمل حشمتی
چاہتے تھے مفتیِ اعظم ، مُشاہدؔ اُن کو خوب
کس قدَر ذی شان تھے حافظ تجمل حشمتی
Rate it: 
Views: 231
31 Mar, 2016
More Religious Poetry
