فرمان حسین (رض)
Poet: Taj Rasul Tahir By: Taj Rasul Tahir, Islamabadکیوں فضا سوگوار کرتے ہو
ظالمو! کس پہ وار کرتے ہو
مجھ کو دیکھو بھلا کہ کون ہوں میں
لعل زہراء ہوں بن بتول ہوں میں
بن علی (رض)مولاء کاءنات ہوں میں
ابن مخدومہ کاءنات ہوں میں
میں ہوں گلشن کا پھول نانا کے
پسر سردار دو جہان ہوں میں
جس پہ نوری بھی ناز کرتے ہیں
دوش نبوی کا وہ سوار ہوں میں
میرے رونے پہ شاہ عرب و عجم
دل لبھاتے تھے وہ حسین ہوں میں
ثبت بوسے ہیں میری گردن پر
دین نانا کا پاسبان ہوں میں
جس نے بخشی ہے کائنات کو عقل
ایسے قرآں کا ترجمان ہوں میں
مجھ سے نسبت حصول جنت ہے
جس کا سردار نوجوان ہوں میں
لڑنے مرنے کو میں نہیں آیا
صلح جو ہوں امن کا مان ہوں میں
ہم پہ آب فرات بند نہ کرو
آب کوثر کا میزبان ہوں میں
مجھ پہ واجب کرو گے جنگ اگر
ابن حیدر ہوں اور حسین ہوں میں
راہ حق پر تو جاں بھی حاضر ہے
جرءات و عزم کا نشان ہوں میں
حشر تک ضوفشاں رہوں گا سنو!
مثل خورشید آسمان ہوں میں
کتنے خیموں کو تم جلاؤ گے
آل ننگے سروں پھراؤ گے
چھین کر انکی چادریں سر سے
صبر کو کتنا آزماؤ گے
تم نے آل نبی پہ ظلم کئے
زندگی میں سکوں نہ پاؤ گے
تاج! شہداء کی زندگی ہے دوام
اور کتنا ہمیں رلاؤ گے
فہم و گماں سے آگے ہے رتبہ حسینؑ کا
قرآن کے ورق بولیں شبّرؑ کے نام پر
محشر میں ذکر ہوگا یہ خطبہ حسینؑ کا
دریا نے پیاس دیکھی، جھجک کر رُک گیا
سایہ بھی زیرِ زخم تھا قبضہ حسینؑ کا
باطل ہو یا ستم ہو، قدم نہ ڈگمگائے
قائم ہے آج تک بھی وہ وعدہ حسینؑ کا
نیزے پہ بھی زباں تھی، تلاوتیں ہوئیں
کانوں نے خود سنا ہے وہ لہجہ حسینؑ کا
بکھری تھیں لاشگاہ میں قربانیاں بہت
پر سب سے خاص منظر تھا سجدہ حسینؑ کا
تاریخ نے دکھایا ہے سچ کا یہ علم بھی
ہر دل پہ راج کرتا ہے کنبہ حسینؑ کا
جنت کا در جو کھلتا ہے در پر حسینؑ کے
اللہ نے دیا ہے یہ رتبہ حسینؑ کا
مظہرؔ لکھو عقیدت سے حرفوں کے چراغ
دل کہہ رہا ہے سارا ہے صدقہ حسینؑ کا
وہی مشکل گھڑی میں صاحبِ کامل مسلمان نکلے
جنہیں الزام دے کر اہلِ محرابوں نے دھتکارا
وہی حق کی حفاظت میں کھڑے کوہِ گراں نکلے
جنہیں بدنام کر کے شہر بھر میں شور برپا تھا
وہی باطل کے آگے بن کے سیلابِ رواں نکلے
جنہیں سمجھا گیا تھا بے عمل اور بے خبر لوگ
وہی میدانِ حق میں صف شکن مردِ جواں نکلے
جنہیں فتووں کی آندھی نے مٹانے کی ٹھانی تھی
وہی تاریخ کے اوراق میں روشن نشاں نکلے
جنہیں دنیا نے سمجھا تھا فقط خاموش رہنے والے
وہی طوفان بن کر ظلم کے آگے بیاں نکلے
مظہرؔ یہ بھی زمانے کی عجب تقدیر دیکھی ہے
جو سچے تھے وہی آخر میں اہلِ امتحاں نکلے
جب لفظ ساتھ چھوڑ جائیں
جب آنکھ فقط نمی بولے
جب لب خالی رہ جائیں
کیا صرف سجدہ کافی ہے؟
کیا تُو سنے گا وہ آواز
جو کبھی ہونٹوں تک نہ آئی؟
جو دل میں گونجتی رہی
خاموشی میں، بے صدا؟
میرے سجدے میں شور نہیں ہے
صرف ایک لرزتا سکوت ہے
میری دعا عربی نہیں
صرف آنسوؤں کا ترجمہ ہے
میری تسبیح میں گنتی نہیں
صرف تڑپ ہے، فقط طلب
اے وہ جو دلوں کے رازوں کا راز ہے
میں مانگتا نہیں
فقط جھکتا ہوں
جو چاہا، چھن گیا
جو مانگا، بکھر گیا
پر تُو وہ ہے
جو بکھرے کو سنوار دے
اور چھن جانے کو لوٹا دے
تو سن لے
میری خاموشی کو
میری نگاہوں کی زبان کو
میرے خالی ہاتھوں کو
اپنی رحمت کا لمس عطا کر
کہ میں فقط دعاؤں کا طالب ہوں
اور وہ بھی بس تیرے در سے
سخاوت عثمان اور علی کی شجاعت مانگ رہے ہیں
بے چین لوگ سکون دل کی خاطر
قرآن جیسی دولت مانگ رہے ہیں
بجھے دل ہیں اشک بار آ نکھیں
درِ مصطفیٰ سے شفاعت مانگ رہے ہیں
سرتاپا لتھڑے ہیں گناہوں میں
وہی عاصی رب سے رحمت مانگ رہے ہیں
رخصت ہوئی دل سے دنیا کی رنگینیاں
اب سجدوں میں صرف عاقبت مانگ رہے ہیں
بھٹکے ہوئے قافلے عمر بھر
تیری بارگاہ سے ہدایت مانگ رہے ہیں
بروز محشر فرمائیں گے آقا یارب
یہ گنہگار تجھ سے مغفرت مانگ رہے ہیں
آنکھوں میں اشک ہیں ، لبوں پر دعا ہے
جنت میں داخلے کی اجازت مانگ رہے ہیں
ہر دور کے مومن اس جہاں میں سائر
اصحاب محمدجیسی قسمت مانگ رہے ہیں
