ہے پوجنا انسان کی سرشت میں شامل
خالق کو نہ پوجے اگر طاغوت کو پوجے
طاغوت = کلمہِ طیبہ کی ابتدا طاغوت کے ذکر سے ہوتی ہے ۔ “ نہیں ہے کوئی معبود “ کہلوانے سے طاغوت کا رد درکار ہے۔ ہر وہ چیز جو انسان کی نظر میں اس کے رب کی سی حیثیت رکھتی ہو طاغوت ہے۔ سب سے بڑا طاغوت انسان کا نفس ہے ۔ دولت، اقتدار، اور اسی طرح کی دوسری چیزیں جن کو انسان اپنے مالک سے بڑھ کر ترجیح دے یعنی وہ چیزیں اسے اللہ کی عبادت یعنی بندگی سے باز رکھیں طاغوت ہیں۔ یہاں یہ یاد رہے کہ عبادت اور بندگی نماز روزہ حج وغیرہ ہی نہیں۔ اللہ کے احکامات خوشدلی سے ماننا اور اپنی خواہشات سے اس کی رضا کے لئے رک جانا عبادت اور بندگی ہے۔