سرور انبیاء

 عرش بریں پر قیام اعلیٰ ہے
حبیب کبریاء کامقام اعلیٰ ہے

مقتدی ہیں سب ہی شان والے
مسجداقصیٰ میں امام اعلیٰ ہے

کرتے ہیں تذکرہ سرورانبیاء کا
محفل میلادکااہتمام اعلیٰ ہے

وابستہ رہوتم دین مصطفی سے
سب مذاہب میں اسلام اعلیٰ ہے

ملتی ہے حقیقت میں ہی ترقی
محبوب کریم کانظام اعلیٰ ہے

چوم لیتے ہیں عشاق محبت میں
پیارے نبی کانام اعلیٰ ہے

حاصل ہیں عظمتیں سرورعالم کو
لائے ہیں جوپیغام اعلیٰ ہے

یاددل میں تذکرے زبان پر
الفت رسول کاانعام اعلیٰ ہے

فرمان رب ہے پست رکھوآوازیں
بارگاہ نبوت کااحترام اعلیٰ ہے

نسبت ہوجسے نبی محترم سے
حقیقت میں وہی طعام اعلیٰ ہے

خوش ہیں سب حب دارصدیقؔ
جشن ولادت کاانتظام اعلیٰ ہے