در پر مجھے بلاؤ آقا مدینے والے
قسمت میری جگاؤ آقا مدینے والے
ادنی غلام تیرا ۔۔۔ ہے لب پہ نام تیرا
تیرے کرم کا ساَیل ہے فیض عام تیرا
مہماں مجھے بناؤ آقا مدینے والے
ہے ذکر تیرا اعلیٰ۔۔۔۔ ذاکر ہے اللہ تعالٰی
نظر کرم کا طالب، تیـــری شان سب سے اعلٰی
در کا گدا بناؤ آقا مدینے والے
عظمت بھرا مدینہ رحمت کا ہے خزینہ
پُر کیف اور سہانا منظر ہے آبگینہ
میرے خواب میں تم آؤ آقا مدیںے والے
انتظار قادری کی آقا یہ التجا ھے
کچھ ہو کرم کا صدقہ اعلیٰ تیری سخا ہے
مدینے مجھے بساؤ آقا مدینے والے