حمد ہے لفظِ مکرم

حمد ہے لفظِ مکرم
حمد ہے لفظِ معظم
حمد خود وجہِ بزرگی ،حمد خود فن کی حیات
حمدہے جانِ سُخن، حمد سامانِ نجات
حمدہے وجہِ سکوں
حمدہے خالقِ کل کے اوصاف ِاعلیٰ کا بیان
حمدہے معبودِ یکتا کے تشکر کا نشان
حمد سے تحریر کا گُل پاتا ہے شگفتگی
حمد سے فکرو نظر کو ملتی ہے پاکیزگی
حمد کے انوار سے مہتاب ِعالم میں ضیا
حمد کے جلال سے مہرِمنور میںتپش
حمد ہے نورِ نگاہ
حمد رونقِ قلوب
حمدوہ بحرِ بیکراں جس کا کنارا ہی نہیں
برگ وگل بنیں اوراق
شجر شجر بنیں قلم
سیاہی بنیں سارے بحر
واجباتِ حمد کی
تکمیل پھر بھی نہ ہوگی
تکمیل پھر بھی نہ ہوگی