اُسے کہنا یہ دنیا ہے
Poet: Tayyab Tahir By: Tayyab Tahir, Jhelumاُسے کہنا یہ دنیا ہے!
یہاں ہر موڑ پہ ایسے بہت سے لوگ ملتے ہیں
جو اندر تک اترتے ہیں
ابد تک ساتھ رہنے کی
اکھٹے درد سہنے کی
ہمیشہ بات کرتے ہیں
اُسے کہنا... یہ دنیا ہے!
یہاں ہر شخص مطلب کی
حدو تک ساتھ چلتا ہے
جونہی موسم بدلتا ہے
محبت کے سبھی دعوے
سبھی قسمیں سبھی وعدے
اچانک ٹوٹ جاتے ہیں
اُسے کہنا... یہ دنیا ہے!
یہاں ہر مور پہ اپنی
سدا آنکھیں کھلی رکھنا
کوئی کتنا بھی اچھا ہو
کوئی کتنا بھی سچا ہو
مگر اعتبار مت کرنا
اُسے کہنا... یہ دنیا ہے!
یہاں پہ پیار مت کرنا ...
یہاں پہ پیار مت کرنا ...
Rate it: 
Views: 2057
28 Oct, 2011
More Sad Poetry
