Zakham Kab Uss Ne Diye Hain, Yeh Nishani Di Hai

Zakham Kab Us Ne Diye Hain Ye Nishani Di Hai
Bhool Jaaein Na Kahee'n Yaad Dehaani Ki Hai

Khirkiyo'n Se Wo Ishaare Wo Chhatto'n Par Milna
Ab To Lagta Hai Har Aik Baat Kahaani C Hai

Aag Fitrat Ne Lagaai Hai Ye Jalne K Liye
Husan Bakhsha Hai Tumhein Mujh Ko Jawaani Di Hai

Kuch To Wo Hai Bhi Hasee'n Aisa K Imaa'n Toote
Kuch Qalam Ne Mere Rangee'n Byaani Ki Hai

Torr Kar Saare Kinaare Nikal Aaye Tufaa'n
Ye Khabar Waqt Ne Ashko'n Ki Zubaani Di Hai

Us Ki Yaad Aai To Apni Bhi Khabar Mujh Ko Nahi
Aisa Lagta Hai Sharab Aaj Puraani C Hai

Aap Imaa'n Se Phir Jaaein Mile Ga Sab Kuch
Zindgaani Bhi Zar O Seem Bhi Paani Bhi Hai