Wo Kaghaz Ki Kashti Wo Barish Ka Pani

Ye Doulat Bhi Le Lo Ye Shohrat Bhi Le Lo Bhale Chheen Lo Mujh Se Meri Jawani
Magar Mujh Ko Lauta Do Bachpan Ka Sawan Wo Kaghaz Ki Kashti Wo Barish Ka Pani

Muhalle Ki Sabse Purani Nishani Wo Burhiya Jise Bachhe Kahte The Nani
Wo Nani Ki Baton Me Parion Ka Dera Wo Chehre Ki Jhurion Me Sadion Ka Phera
Bhulaye Nahi Bhool Sakta Hai Koi Wo Chhoti Si Raaten Wo Lambi Kahani

Kabhi Rait Ke Oonche Teelon Pe Jana Gharounde Banana Bana Kar Mitana
Wo Masoom Chahat Ki Tasveer Apne Wo Khabon Khiyalon Ki Jageer Apne
Na Duniya Ka Gham Tha Na Rishton Ke Bandhan Bari Khoobsurat Thi Wo Zindagani

Ye Doulat Bhi Le Lo, Ye Shohrat Bhi Le Lo Bhale Chheen Lo Mujh Se Meri Jawani
Magar Mujh Ko Lauta Do Bachpan Ka Sawan Wo Kaghaz Ki Kashti Wo Barish Ka Pani