Wo Hum Se Aise Juda Ho Gaye Hain

Wo Hum Se Aise Juda Ho Gaye Hain
Ke Dil Ke Gharondy Tabah Ho Gaye Hain

Jo Waday Kiye Aankh Se Aankh Ne
Waday Wo Sab Bewafa Ho Gaye Hain

Tumhein Kiya Pata Ke Khafa Ho Ke Tum Se
Hum Har Khushi Se Khafa Ho Gaye Hain

Zahid Manga Hai Khuda Dhoondne Mein
Yahan Aadmi Hi Khuda Ho Gaye Hain

Aati Nahi Thi Jinhein Badshahi
Wo Badshah Bhi Gada Ho Gaye Hain

Ab Sadagi Par Hanse Ga Zamana
Ye Hi Soch Kar Be_Sada Ho Gaye Hain

Logo ! Jo Kal They Missal_E_Zamana
Wo Ab Missal_E_Saza Ho Gaye Hain

Haq Dosti Ke Nibhatay Nibhatay
Haq Dushmani Ke Ada Ho Gaye Hain

Jaise Dua Thay Tabasum Labon Ke
Kuch Din Se Bad'dua Ho Gaye Hain