Tum Lout Aana!!

Jab Musamo'n Mein Badlao Aaye
Jazbon Mein Jab Theharao Aaye
Jab Hawao'n Mein Kuch Khanki Aaye
Jab Jaan Tujh Ko Dill Bulaye
Tum Awaaz Meri Pay Thehar Jana
Tum Lout Aana Tum Lout Aana

Weran Dill Ki Udaasio'n Par
Talib Nigaho'n Ki Khuahisho'n Par
Muhabaton Ki Barisho'n Mein
Bond Ban K Baras Jana
Tum Lout Aana Tum Lout Aana

Bahar Mein Jab Phool Mehken
Jab Khushboo K Sang Lehken
Chaand Falak Pay Jab Muskuraye
Shareer Ban K Sitaray Hansen
Tum Irada Bicharrnay Ka Bhool Jana
Tum Lout Aana Tum Lout Aana

Kabhi Jo Meray Humnishee'n Tum
Routh Jao Dillnishee'n Tum
Meri Muhabat Meri Wafa Ko
Lamha Lamha Meri Dua Ko
Khamosh Lab Ki Be-Taab Sada Ko
Purnam Ankhon Ki Iltaja Ko
Sun K Meray Meharba'n Tum
Jaan Kar Meri Dashta'n Tum
Maan Jana Na Routh Jana
Tum Lout Aana Tum Lout Aana

Jab Zindagi Routh Jaye
Jab Dill Bohat Hi Toot Jaye
Tham Kar Mera Haath Tum
Meray Humnishee'n Meray Saath Tum
Jeena Seekhna Usay Manana
Muskuranay Ka Hunar Batana
Tum Lout Aana Tum Lout Aana

Kabhi Jo Azam Dagmagae'n
Halaat Talakh Humen Aazmae'n
Tum Pass As Kar Haath Bharra Kar
Ansoo Amber K Hataa Kar
Haath Mera Thaam Lena
Tum Lout Aana Tum Lout Aana
S. Sadia Amber Jilani.