Aawaargi

Isi Bus K Shikasta Aur Ikloty Speaker Se
Jb Eesa Khailvi Ki Dukh Bhari Aawaz Aati He
To Yoon Mehsoos Hota He
K Jesy Koi Koyal
Gaaon K Bargad Pe Bethi Gungunaati Ho
Conducter Ne Tumhary Sheher Ki Aawaaz Maari He
Meri Manzil Tumhary Sheher Ki Pur'soz Galiyaan Hain
Jahaan Pr Aaj Ka Din Bhi
Hamesha Ki Trah Be'sood Phirny Me Bitaana He
Magar Jb Shaam Hoty Hi
Koi Chirriya
Kisi Mazdoor Ki Chhat Pr Jo Bethi Cheh'chahaay Gi
To Mujh Ko Yaad Aay Ga
K Main Ne Ghar Bhi Jana He
Na'jaany Kb Talak Mery Muqaddar Me
Tumhary Sheher Me Aawaargi Ki Dhool Likhi He