در مدح حضرت شیخ عبد القادر جیلانی رحمتہ اللہ تعالٰی علیہ
Poet: Khalid Roomi By: Khalid Roomi, Rawalpindi ہو تم نقش آئینہ گر غوث اعظم
مرے، مالک بحر و بر غوث اعظم
دو عالم کے ہیں راہبر غوث اعظم
طریقت کے ہیں تاجور غوث اعظم
شریعت میں ہے محی دیں ذات ان کی
حقیقت میں ہیں یہ مگر ،“ غوث اعظم “
ہے کس اوج پر یہ پھریرا تمھارا
نہ پائی کسی نے خبر غوث اعظم
تمھارے گدا اولیائے جہاں ہیں
مسلم تمھارا اثر غوث اعظم
نہ دیکھا ، نہ دیکھا، نہ دیکھا ، نہ دیکھا
کسی میں تمھارا ہنر غوث اعظم
وہ ڈوبے ، وہ ڈوبے بدور اولیں کے
نہ ڈوبے تمھارا قمر غوث اعظم
تمھارا ہوں بندہ ، تمھارا گدا ہوں
تمھی ہو مرے چارہ گر غوث اعظم
ہو عقدہ کشائی مری اب خدارا
نہ پھیرو مجھے در بدر غوث اعظم
ہم ایسے فقیروں کی دولت یہی ہے
نہ چھوٹے ترا سنگ در غوث اعظم
تمھارے غلاموں کو کچھ حشر کا اب
نہیں باقی خوف و خطر غوث اعظم
جو پایا ہے میں نے، وہ پایا ہے ان سے
جہاں میں مرا کرو فر غوث اعظم
فقیروں کا ہے آسرا تیری نسبت
تری یاد زاد سفر غوث اعظم
نہ باقی رہے گی ذرا کوئی الجھن
کریں چشم رحمت اگر غوث اعظم
نہیں ہیں کسی طور واللہ نہیں ہیں
مرے حال سے بے خبر غوث اعظم
مرے سر پہ سایہ فگن، دیکھئے ہیں
ادھر شاہ اجمیر، ادھر غوث اعظم
ترا نام عقدہ کشا ہے ہمارا
تری یاد قوت جگر غوث اعظم
رہے تیری چشم عنایت ہمیشہ
ترے رومی ء زار پر “ غوث اعظم “
فہم و گماں سے آگے ہے رتبہ حسینؑ کا
قرآن کے ورق بولیں شبّرؑ کے نام پر
محشر میں ذکر ہوگا یہ خطبہ حسینؑ کا
دریا نے پیاس دیکھی، جھجک کر رُک گیا
سایہ بھی زیرِ زخم تھا قبضہ حسینؑ کا
باطل ہو یا ستم ہو، قدم نہ ڈگمگائے
قائم ہے آج تک بھی وہ وعدہ حسینؑ کا
نیزے پہ بھی زباں تھی، تلاوتیں ہوئیں
کانوں نے خود سنا ہے وہ لہجہ حسینؑ کا
بکھری تھیں لاشگاہ میں قربانیاں بہت
پر سب سے خاص منظر تھا سجدہ حسینؑ کا
تاریخ نے دکھایا ہے سچ کا یہ علم بھی
ہر دل پہ راج کرتا ہے کنبہ حسینؑ کا
جنت کا در جو کھلتا ہے در پر حسینؑ کے
اللہ نے دیا ہے یہ رتبہ حسینؑ کا
مظہرؔ لکھو عقیدت سے حرفوں کے چراغ
دل کہہ رہا ہے سارا ہے صدقہ حسینؑ کا
وہی مشکل گھڑی میں صاحبِ کامل مسلمان نکلے
جنہیں الزام دے کر اہلِ محرابوں نے دھتکارا
وہی حق کی حفاظت میں کھڑے کوہِ گراں نکلے
جنہیں بدنام کر کے شہر بھر میں شور برپا تھا
وہی باطل کے آگے بن کے سیلابِ رواں نکلے
جنہیں سمجھا گیا تھا بے عمل اور بے خبر لوگ
وہی میدانِ حق میں صف شکن مردِ جواں نکلے
جنہیں فتووں کی آندھی نے مٹانے کی ٹھانی تھی
وہی تاریخ کے اوراق میں روشن نشاں نکلے
جنہیں دنیا نے سمجھا تھا فقط خاموش رہنے والے
وہی طوفان بن کر ظلم کے آگے بیاں نکلے
مظہرؔ یہ بھی زمانے کی عجب تقدیر دیکھی ہے
جو سچے تھے وہی آخر میں اہلِ امتحاں نکلے
جب لفظ ساتھ چھوڑ جائیں
جب آنکھ فقط نمی بولے
جب لب خالی رہ جائیں
کیا صرف سجدہ کافی ہے؟
کیا تُو سنے گا وہ آواز
جو کبھی ہونٹوں تک نہ آئی؟
جو دل میں گونجتی رہی
خاموشی میں، بے صدا؟
میرے سجدے میں شور نہیں ہے
صرف ایک لرزتا سکوت ہے
میری دعا عربی نہیں
صرف آنسوؤں کا ترجمہ ہے
میری تسبیح میں گنتی نہیں
صرف تڑپ ہے، فقط طلب
اے وہ جو دلوں کے رازوں کا راز ہے
میں مانگتا نہیں
فقط جھکتا ہوں
جو چاہا، چھن گیا
جو مانگا، بکھر گیا
پر تُو وہ ہے
جو بکھرے کو سنوار دے
اور چھن جانے کو لوٹا دے
تو سن لے
میری خاموشی کو
میری نگاہوں کی زبان کو
میرے خالی ہاتھوں کو
اپنی رحمت کا لمس عطا کر
کہ میں فقط دعاؤں کا طالب ہوں
اور وہ بھی بس تیرے در سے
سخاوت عثمان اور علی کی شجاعت مانگ رہے ہیں
بے چین لوگ سکون دل کی خاطر
قرآن جیسی دولت مانگ رہے ہیں
بجھے دل ہیں اشک بار آ نکھیں
درِ مصطفیٰ سے شفاعت مانگ رہے ہیں
سرتاپا لتھڑے ہیں گناہوں میں
وہی عاصی رب سے رحمت مانگ رہے ہیں
رخصت ہوئی دل سے دنیا کی رنگینیاں
اب سجدوں میں صرف عاقبت مانگ رہے ہیں
بھٹکے ہوئے قافلے عمر بھر
تیری بارگاہ سے ہدایت مانگ رہے ہیں
بروز محشر فرمائیں گے آقا یارب
یہ گنہگار تجھ سے مغفرت مانگ رہے ہیں
آنکھوں میں اشک ہیں ، لبوں پر دعا ہے
جنت میں داخلے کی اجازت مانگ رہے ہیں
ہر دور کے مومن اس جہاں میں سائر
اصحاب محمدجیسی قسمت مانگ رہے ہیں
