دل سے نکل رہی ہے میرے یہ وہ دعاہے
Poet: وشمہ خان وشمہ
By: وشمہ خان وشمہ, ملایشیا

دل سے نکل رہی ہے میرے یہ وہ دعاہے
ہونٹوں پہ میرے ہر دم بس نام مصطفیﷺ ہے

پڑھتے ہیں ہم نمازیں دنیا کی ہر گلی میں
یہ نیکیاں کمانا سرکار کی عطا ہے

راتوں کو اٹھ کہ میں جو کرتی ہوں ذکر احمد
یہ حُبِ مرتضی ہے یہ عشق مصطفے ہے

حسرت ہے میرے دل میں روضہ نبی کا چوموں
یہ شوق یہ محبت سب عشق کی عطاہے

کانوں میں گونجتی ہے اذانِ بلال حبشی
آنکھوں میں میری دیکھو یثرب کا در کھلا ہے

پہلے تو ساری دنیا تاریکیوں میں گم تھی
اب تو مجھے بھی کالی کملی کا آسرا ہے

گلشن میں بھی گلوں میں خوشبو نبی کی مہکے
اور آپ ہی کے دم سے مہکی ہوئی ہوا ہے

روزِ حساب احمد ﷺ ضامن ہیں بخششوں کے
نبیوں میں سب سے افضل رتبہ انہیں ملا ہے

Rate it: Views: 12 Post Comments
 PREV All Poetry NEXT 
 Famous Poets View more
Email
Print Article Print 17 Jun, 2017
About the Author: washma khan washma

I am honest loyal.. View More

Visit 3965 Other Poetries by washma khan washma »
 Reviews & Comments
Post your Comments Language:    
Type your Comments / Review in the space below.