مسلمانانِ عالم کو تُو پھر غلبہ عطا کردے

الٰہی دشمنانِ دینِ آقاﷺ کو فنا کردے
مسلمانانِ عالم کو تُو پھر غلبہ عطا کردے

جو ہیں کفار ان کے مکر کو لوٹا دے ان پر ہی
مسلمانوں کو پھر سے عظمتِ رفتہ عطا کردے

تُو ہے تقدیر پر حاکم بدل دے قسمتِ مسلم
تری ہی ذات ہے منعم تُو رحمت بے بہا کردے

لیا تھا عہد جو کچھ عالمِ ارواح میں تُو نے
تُو ہی توفیق دے اس عہد کو بندہ وفا کردے

نہ مال و زر لگا تیرا نہ تیرا جسم کام آیا
بھلا کیا جاتا ہے جو ان کے حق میں کچھ دعا کردے