مری دعا ہے ترے واسطے اے پاکستاں
Poet: wasim ahmad moghal
By: wasim ahmad moghal, lahore

کسی کی آنکھ نہ نم ہو کسی بھی غم ۔۔۔۔۔۔۔سے یہاں
کوئی ستایا نہ جائے کسی ستم ۔۔۔۔۔۔۔۔۔۔سے یہاں
کوئی بھی دکھ نہ اُٹھائے کسی الم ۔۔۔۔۔۔۔سےیہاں
خدا کرے کہ تُو ہو جائے۔۔۔۔۔۔۔۔۔ درد کا درماں
مری دعا ہے ترے واسطے۔۔۔۔۔۔۔۔ اے پاکستاں

نہ کوئی کانٹا لگے یاں کسی کے پاؤں۔۔۔۔۔۔۔۔ میں
مہک ہو پھولوں کی ہر دم تری ہواؤں۔۔۔۔۔۔ میں
شراب پیار کی چھلکے تری فضاؤں۔۔۔۔۔۔۔۔۔ میں
ہر ایک شخص کےہو واسطے تُو۔۔۔۔۔۔ راحتِ جاں
مری دعا ہے ترے واسطے۔۔۔۔۔۔۔۔ اے پاکستاں
کوئی کرے نہ کسی کا یہاں پہ۔۔۔۔۔۔۔۔۔ استحصال
نہ لُوٹے کوئی کسی کا یہاں پہ۔۔۔۔۔۔۔۔۔ مال و منال
ہر ایک شخص یہ سمجھے کہ وہ بھی ہے۔۔۔۔ خوش حال
کوئی خراب نہ کر پائے تیرا۔۔۔۔۔۔۔۔۔ امن و اماں
مری دعا ہے ترے واسطے۔۔۔۔۔۔۔۔ اے پاکستاں

یہ لوگ چاہیں ہیں پھر سے تری۔۔۔۔۔۔۔ خلافت کو
فلک بھی ڈھونڈتا پھرتا ہے اُس۔۔۔۔۔۔۔ قیادت کو
ترس گیا ہے زمانہ تری۔۔۔۔۔۔۔۔۔۔۔ عدالت کو
کہ بھر دیں عدل سے دنیا کو تیرے۔۔۔۔۔ شیرجواں
مری دعا ہے ترے واسطے۔۔۔۔۔۔۔۔ اے پاکستاں
ہر ایک گھر میں رہیں صلح و آشتی کے۔۔۔۔۔۔ چراغ
ترے مناروں پہ ہر شب جلیں خوشی کے ۔۔۔چراغ
ہر ایک سینے میں روشن ہوں آگہی کے۔۔۔۔۔چراغ
چراغِ علم سے روشن کرے تُو ۔۔۔۔۔۔کون و مکاں
مری دعا ہے ترے واسطے۔۔۔۔۔۔۔۔ اے پاکستاں

تری فضاؤں میں لہرائے۔۔۔۔۔۔۔۔۔ پرچمِ اسلام
قبول کر لے نبی کا بنا کے۔۔۔۔۔۔۔۔۔۔ ہم کو غلام
ہمارے ملک میں آ جائے۔۔۔۔۔۔۔۔ مصطفی ٰ کا نظام
اُٹھا کے نکلو زمانے میں۔۔۔۔۔۔۔۔۔۔ مشعلِ قرآں
مری دعا ہے ترے واسطے۔۔۔۔۔۔۔۔ اے پاکستاں

وہ اپنی نعمتیں تم پر تمام۔۔۔۔۔۔۔۔۔۔۔۔ کر دے گا
ترے عدو کا وہ جینا حرام۔۔۔۔۔۔۔۔۔۔۔ کر دے گا
یہیں پہ ایسا کوئی انتظام۔۔۔۔۔۔۔۔۔۔۔۔ کر دے گا
ملا دے خاک میں تُو دشمنوں کا۔۔۔۔۔۔۔ نام و نشاں
مری دعا ہے ترے واسطے ۔۔۔۔۔۔۔۔اے پاکستاں

سبق تو پڑھنا پڑے گا ہمیں۔۔۔۔۔۔۔۔ صداقت کا
امین بننا پڑے گا ہمیں۔۔۔۔۔۔۔۔۔۔۔۔۔ امانت کا
نظام لانا پڑے گا ہمیں ۔۔۔۔۔۔۔۔۔۔۔۔اخوت کا
تُو لے کے نکلے زمانے میں۔۔۔۔۔۔۔ امن کا ساماں
مری دعا ہے ترے واسطے۔۔۔۔۔۔۔۔ اے پاکستاں

تری فضاؤں میں ہر دم ہو رحمتوں کا ۔۔۔۔۔۔۔نزول
ہماری ساری دعائیں خدا کرے گا ۔۔۔۔۔۔۔۔قبول
جدھر بھی دیکھیں نظر آئیں سب کو۔ پھول ہی پھول
ہمارے ملک کو مولا بنا دے ۔۔۔۔۔۔۔۔۔باغِ جناں
مری دعا ہے ترے واسطے۔۔۔۔۔۔۔۔ اے پاکستاں

ہر ایک شخص سے نفرت مِٹا ۔۔۔۔۔۔کے بیٹھیں گے
ہر ایک دل میں محبّت بسا ۔۔۔۔۔۔۔۔کے بیٹھیں گے
ہر اک غریب کی عزّت کرا ۔۔۔۔۔۔کے بیٹھیں گے
کہ دیکھیں رشک سے اِس ملک کو۔۔۔۔زمان و مکاں
مری دعا ہے ترے واسطے۔۔۔۔۔۔۔۔ اے پاکستاں

ہر ایک شرک کی گردن دبا کے ۔۔۔۔۔۔دم لیں گے
ہر ایک کفر کی گردن جھکا کے۔۔۔۔۔۔۔ دم لیں گے
ہر ایک ظلم کی گردن اُڑا کے۔۔۔۔۔۔۔ دم لیں گے
کوئی خراب نہ کر پائے تیرا ۔۔۔۔۔۔۔۔امن و اماں
مری دعا ہے ترے واسطے۔۔۔۔۔۔۔۔اے پاکستاں

دکھانے ہیں ابھی جوہر تمہیں۔۔۔۔۔۔ شجاعت کے
یہ گیت گائے گی دنیا تمہاری۔۔۔۔۔۔۔ عظمت کے
زمانہ دیکھے گا منظر تمہاری۔۔۔۔۔۔۔۔ نصرت کے
رہے گا تابہ ابد تیری عظْمَتوں ۔۔۔۔۔۔۔۔۔کا بیاں
مری دعا ہے ترے واسطے۔۔۔۔۔۔۔۔ اے پاکستاں

کسی محاذ پہ تم کو کبھی۔۔۔۔۔۔۔۔۔۔۔ شکست نہ ہو
سوائے رب کے ترا سر کہیں بھی۔۔۔۔۔ پست نہ ہو
کوئی زمانے کی رنگینیوں میں۔۔۔۔۔۔۔ مست نہ ہو
ترے جوانوں کا اب پاک ہی رہے۔۔۔۔۔۔۔ داماں
مری دعا ہے ترے واسطے۔۔۔۔۔۔۔۔ اے پاکستاں

نئی سحر ہے نئے آفتاب ۔۔۔۔۔۔۔۔۔۔۔۔پیدا کر
نیا زمانہ نئے انقلاب۔۔۔۔۔۔۔۔۔۔۔۔۔۔ پیدا کر
نئے چمن میں تُو تازہ گلاب۔۔۔۔۔۔۔۔۔۔۔ پیدا کر
ترے یقین سے ٹوٹیں ۔۔۔۔۔۔بتانِ وہم و گماں
مری دعا ہے ترے واسطے۔۔۔۔۔۔۔۔ اے پاکستاں

ازل سے تا بہ ابد لہْلَہائیں تیرے۔۔۔۔۔۔۔۔۔چمن
ازل سے تا بہ ابد جگمگائیں تیرے۔۔۔۔۔۔۔۔۔ گگن
ازل سے تا بہ ابد مسکرائیں۔۔۔۔۔۔۔۔۔۔ اہلِ وطن
ازل سے تابہ ابد ہر کوئی۔۔۔۔۔ رہے شاداں
مری دعا ہے ترے واسطے ۔۔۔۔۔۔۔۔اے پاکستاں

صحابہ جیسا ہمارا سماج ۔۔۔۔۔۔۔۔۔۔۔۔۔کرمولا
ہمارے ہاں بھی اخوّت کا راج ۔۔۔۔۔۔۔کر مولا
شریف لوگوں سا سب کامزاج ۔۔۔۔۔۔۔۔کر مولا
درودِ پاک ہو ہر شخص کا۔۔۔۔۔۔۔۔۔ و ظیفہ ءِ جاں
مری دعا ہے ترے واسطے۔۔۔۔۔۔۔۔ اے پاکستاں

پیام دینا ہے توحید کا ۔۔۔۔۔۔۔۔۔۔۔۔۔زمانےکو
لُٹانا ہے ہمیں دنیا میں اِس ۔۔۔۔۔۔۔۔۔خزانے کو
سنانا ہے ہمیں ہر جا اسی۔۔۔۔۔۔۔۔۔۔۔ ترانے کو
یہی ترانہ ءِ توحید ہو تری ۔۔۔۔۔۔۔۔۔۔پہچاں
مری دعا ہے ترے واسطے۔۔۔۔۔۔۔۔ اے پاکستاں

کسی عدو کی کسی چال میں۔۔۔۔۔۔۔۔۔ پھنسا نہ کرو
کسی بھی حال میں آپس میں تم ۔۔۔۔۔۔۔لڑا نہ کرو
اور اُس کے پیارے محمّد ﷺسے تم ۔۔جفا نہ کرو
وہ تیرے ہاتھ میں دے دے گا ۔۔۔۔انتظامِ جہاں
مری دعا ہے ترے واسطے۔۔۔۔۔۔۔۔ اے پاکستاں

کوئی تو دیکھے غریبوں کی پتلی حالت ۔۔۔۔۔۔۔۔کو
کوئی بنائے تو اسلام کی ریاست۔۔۔۔۔۔۔۔۔۔۔کو
فرشتے اُتْریں فلک سے تری حفاظت۔۔۔۔۔۔۔۔کو
کوئی تو ملک ہو دنیا میں دین کی۔۔۔۔۔۔۔۔۔۔ پہچاں
مری دعا ہے ترے واسطے۔۔۔۔۔۔۔۔ اے پاکستاں

نہ کوئی دیکھے کسی کو یہاں۔۔۔۔۔۔۔۔ حقارت سے
غریب لوگ بھی سمجھیں کہ ہیں وہ۔۔۔۔ عزّت سے
یہاں کے لوگ رہیں پیار سے ۔۔۔۔۔۔۔محبّت سے
پیارہی پہ ہو اُستوار۔۔۔۔۔۔۔۔۔۔۔۔۔ تیرا جہاں
مری دعا ہے ترے واسطے ۔۔۔۔۔۔۔۔اے پاکستاں

دلوں کو پاک کرو بغض سے۔۔۔۔۔۔۔ کدورت سے
دلوں کو صاف رکھو ہر طرح۔۔۔۔۔۔۔ عداوت سے
کسی بھی شخص کو ملنا نہیں ہے۔۔۔۔۔۔۔نفرت سے
اگر تُو چاہے تو ہو جائے زندگی۔۔۔۔۔۔۔۔۔ آساں
مری دعا ہے ترے واسطے۔۔۔۔۔۔۔۔ اے پاکستاں

کوئی بھی بھوکا نہ سوئے۔۔۔۔۔۔۔۔۔ ہمارا اہلِ وطن
کوئی بھی چیز نہ کھوئے۔۔۔۔۔۔۔۔۔۔ ہمارا اہلِ وطن
کسی سبب سے نہ روئے۔۔۔۔۔۔۔۔۔ ہمارا اہلِ وطن
سکونِ دل سے گزارے جو دن۔۔۔۔ گزارے یہاں
مری دعا ہے ترے واسطے۔۔۔۔۔۔۔۔ اے پاکستاں
 

Rate it: Views: 257 Post Comments
 PREV All Poetry NEXT 
 Famous Poets View more
Email
Print Article Print 28 Aug, 2015
About the Author: wasim ahmad moghal

Visit 137 Other Poetries by wasim ahmad moghal »

Currently, no details found about the poet. If you are the poet, Please update or create your Profile here >>
 Reviews & Comments
watan ki muhabat k bayan ka behtreen namuna jo ap k khulus o muhabat ka munh bolta subut hai ap ki ye nz Pakiostan sy muhabbat k izhar ki
Allah nzm mein ki gaey duaen Pakistan ki salamti o khushali k lye ap ki taraf sy tmam qubul frmaey (Aameen)
be happy and stay blessed always
By: uzma, Lahore on Aug, 31 2015
Reply Reply to this Comment
محترمہ عظمیٰ صاحبہ
آپ نے ایک بار پھر پاکستان پر میری نظم پر شاندار الفاظ میں تبصرہ کر کے مجھے زیرِ باِ احسان کر لیا ہے جس کے لئے میرے پاس الفاظ نہیں کہ میں شکریہ ادا کرسکوں
میں دل کی اتھاہ گہرائیوں آپ کے دعا گو کہ اللہ تعالیٰ ہمیشہ آپ کو خوش رکھے
آپ کا مخلص
وسیم

By: wasim ahmad moghal, lahore on Sep, 02 2015
wonderful poetry .......... like it very much........ Jazak Allah Hu Khair
By: farah ejaz, Aaronsburg on Aug, 30 2015
Reply Reply to this Comment
محترمہ فرح ناز صاحبہ
بہتریں الفاظ میں میری نظم پر تبصرہ کرنے پر میں تہہ دل سے آپ کا شکریہ ادا کرتا ہوں
خدا کرے کہ آپ ہمیشہ خوش رہیں
دعاگو
وسیم
By: wasim ahmad moghal, lahore on Sep, 02 2015
Post your Comments Language:    
Type your Comments / Review in the space below.