Tumhein Jaana Ijazat Hay
Koi Bhi Fesla Kerlo
Hamarey Muntazir Thehro
Ya Humko Alwida Kehdo!
Hamarey Naam Se Mansoob Kerlo Naam Ko Apnay
Ya Apna Naam Dey K Tum Kissi K Meet Ban Jao
Tumhein Janaa Ijazat Hay
Koi Bhi Fesla Kerlo!!
Hamarey Paaon May Tu Waqt Ki Zanjeer Lipti Hai
Buhat Nidhaal Hain Hum Tu Dukhon Ki Aazmayesh Mein
Buhat Mumkin Hai Thak Jao Hamarey Saath Chal Ker Tum
Muhabbat Ki Thakawat Tumko Humse Badgumaan Kerdey
Tu Is Se Qabal, Her Ek Wapsi Ki Rah Kho Jaay
Jo Socha Bhi Nahi Humne Kabhi Wo Kal Ko Ho Jaye...
Tumhein Janaa Ijazat Hay
Koi Bhi Fesla Kerlo!!
Hamara Tumse Wada Hai, Tumhari Yaad Ko Hum Tu
Sadda Dil K Darechay Mein Yonhi Aabad Rakhein Gay
K Dil Tuta Rahy Her Pal Labbon Ko Shaad Rakhain Gay
Tumhein Janaa Ijazat Hai...
Tum Apnay Hosloon Mein Jab Thakawat C Kabhi Paao
Ulajh Jao Masa'yil Mein, Wafa Ko Na Nibha Paao
Kissi Pyarey Se Mukhrray Ki Haseen Aankhon Mein Kho Jao
Ijazat Hay Tumhay Janaa
Ager Is Pal Jo Tum Chahoo
Koi Bhi Fesla Kerlo...
Hamarey Muntazir Tehro
Ya Humko Alwida Kehdoo....!!!