اسلام آباد۔26مارچ (اے پی پی):وفاقی وزیر تجارت جام کمال خان سے سابق وفاقی وزیر تجارت خرم دستگیر خان اور کیپٹن (ریٹائرڈ ) صفدر اعوان نے ملاقات کی اور انہیں وزیر تجارت کا منصب سنبھالنے پر مبارکباد پیش کی۔ وزارت تجارت کے جاری اعلامیہ کے مطابق منگل کو وفاقی وزیر تجارت جام کمال خان سے مسلم لیگ کے رہنما اور سابق وفاقی وزیر تجارت خرم دستگیر خان اور کیپٹن صفدر اعوان نے ان کے دفتر میں ملاقات کی ۔اس موقع پر دونوں رہنماؤں نے جام کمال کو بطور وفاقی وزیر تجارت عہدہ سنبھالنے پر مبارک باد دی اور نیک خواہشات کااظہارکیا ۔ وزیر تجارت نے دونوں رہنماؤں کا شکریہ ادا کیا اور کہا کہ ملک کی ترقی اور فلاح وبہبود کے لئے مل کر کام کریں گے اور پاکستان کو ترقی کی راہ پر گامزن کریں گے ۔