اسلام آباد۔10مارچ (اے پی پی):ڈپٹی اسپیکر قومی اسمبلی سید غلام مصطفیٰ شاہ نے پشاور کے بورڈ بازار میں ہونے والے دھماکہ کی مذمت کرتے ہوئے حملے کے نتیجے میں انسانی جانوں کے نقصان پر افسوس کا اظہارکیاہے۔اتوار کو یہاں جاری بیان میں ڈپٹی اسپیکر نے شہداء کے اہلخانہ سے دلی تعزیت اور ہمدردی کا اظہار کرتے ہوئے کہا کہ دہشتگردی کے واقعہ میں شہید ہونے والے افراد کے اہلخانہ کے غم میں برابر کا شریک ہوں،دہشتگرد انسانیت کے دشمن ہیں ان کا کوئی مذہب نہیں ہے۔