پاکستان سپر لیگ کے 12ویں میچ میں آج اتوار کو پشاور زلمی اور دفاعی چیمپیئن لاہور قلندرز قذافی سٹیڈیم لاہور میں مدمقابل ہیں۔پشاور زلمی نے لاہور قلندرز کو جیت کے لیے 212 رنز کا ہدف دیا ہے جو کہ پی ایس ایل کے رواں سیزن میں کسی بھی ٹیم کی طرف سے بنائے گئے سب سے ذیادہ رنز ہیں۔پشاور نے مقررہ 20 اوورز میں چار وکٹوں کے نقصان پر 211 سکور بنائے۔اس وقت ہدف کے تعاقب میں لاہور قلندرز کی بیٹنگ جاری ہے، اب سے کچھ دیر پہلے تک لاہور قلندرز نے چھ اوورز میں دو وکٹ کے نقصان پر 56 رنز بنائے ہیں۔وینڈر ڈوسن اور شائے ہوپ وکٹ پر موجود ہیں۔صاحبزادہ فرحان 15 رنز بنا کر نوین الحق کی گیند پر حسیب اللہ خان کے ہاتھوں کیچ ہوجانے سے پویلین لوٹے۔فخر زمان ایک مرتبہ پھر اچھی کار گردگی دکھانے میں ناکام رہے، وہ صرف چارسکور بنا کرلُوک وُڈ کا شکار بنے۔
پشاور زلمی کی اننگز لاہور قلندرز نے ٹاس جیت کرفیلڈنگ کا ٖفیصلہ کیا تو اوپنگ بیٹرز کے طور پر صائم ایوب اور بابراعظم میدان میں اترے، زلمی کے بلے بازوں نے ابتدائی اوورز سے ہی قلندرز کے باولرز کو آڑھے ہاتھوں لیا اور چوکوں چھکوں کی برسات کر دی۔
صائم ایوب اور بابر اعظم کی 100 سے زائد کی شراکت داری رہی۔
پشاور زلمی کو پہلا نقصان اس وقت اٹھانا پڑا جب بابر اعظم اپنی نصف سنچری مکمل کرنے کی کوشش میں شاہین آفریدی کی گیند پر سکندر رضا کو کیچ دے بیٹھے۔ انہوں نے 48 رنز بنائے۔صائم ایوب 88 رنز بنانے کے بعد سنچری کی جدوجہد میں شاہین شاہ کی گیند پر کلین بولڈ ہوئے،جبکہ آصف علی کو صرف تین ہی گیندیں کھیلنا نصیب ہوئیں انہوں نے بھی شاہین کی گیند پر فخر زمان کے ہاتھوں میں کیچ دے کر وکٹ گنوائی۔
قبل ازیں لاہور قلندرز نے ٹاس جیت کر پشاور زلمی کے خلاف بولنگ کا فیصلہ کیا تھا۔پی ایس ایل سیزن 9 میں دونوں ٹیمیں آج پہلی مرتبہ آمنے سامنے ہیں۔ لاہور قلندرز کے کپتان شاہین شاہ آفریدی ہیں جبکہ پشاور زلمی کی کپتانی بابر اعظم کے سپرد ہے۔
لاہور قلندرز پی ایس ایل کے رواں ایڈیشن میں اب تک کوئی بھی فتح حاصل نہیں کر پائی ہے جبکہ پشاورزلمی کھیلے گئے تین میچز میں سے صرف ملتان سلطانز سے ایک میچ جیت سکی ہے۔
پوائنٹس ٹیبل پر پشاور زلمی دو پوائنٹس کے ساتھ پانچویں نمبر پر ہے جبکہ لاہور قلندرز کے پاس کوئی پوائنٹ نہیں ہے۔ لاہور قلندرز کا سکواڈ فخر زمان ، صاحبزادہ فرحان، وینڈر ڈوسن، شائے ہوپ، سکندر رضا، کارلوس بریتھ ویٹ، احسن بھٹی، جہان داد خان، شاہین شاہ آفریدی(کپتان)، محمد عمران، زمان خان پشاور زلمی کاسکواڈصائم ایوب ، بابر اعظم(کپتان)، محمد حارث، حسیب اللہ خان، رومن پاول، عارف یعقوب، آصف علی، پاؤل ولٹر، لُوک وُڈ، نوین الحق، سلمان ارشاد